സിഡ്നി: ദക്ഷിണാഫ്രിക്കയ്ക്കെതിരായ ടെസ്റ്റ് ക്രിക്കറ്റിനിടെ പന്തില് കൃത്രിമം കാട്ടിയ സംഭവം ടിവിയില് പതിഞ്ഞപ്പോള് ടീമിന് ആദ്യം നിര്ദേശം നല്കിയത് ഓസ്ട്രേലിയന് പരിശീലകന് ഡാരണ് ലെമാനാണ്. പന്തില് കൃത്രിമം കാട്ടിയ സംഭവത്തില് ലെമാനും പങ്കുണ്ടെന്ന റിപ്പോര്ട്ടുകളുണ്ടായിരുന്നുവെങ്കിലും ക്രിക്കറ്റ് ഓസ്ട്രേലിയ ഇതു തള്ളുകയായിരുന്നു.
സംഭവം നടന്നതിനു പിന്നാലെ അത് സ്ക്രീനില് കാണിക്കുമമ്പാള് വാക്കിടോക്കിയില് ടീമിലെ 12-ാമന് ഹാന്കോമ്പിന് ലെമാന് മറച്ചു പിടിച്ച് നിര്ദേശം നല്കുന്നതും തൊട്ടു പിന്നാലെ വെള്ളം കൊടുക്കാനെന്ന വ്യാജേന ഗ്രീണ്ടിലെത്തി ബാന്ക്രോഫ്റ്റിന് ഹാന്കോമ്പ് കൈമാറുന്നതും ടിവി ക്യാമറയില് പതിഞ്ഞു. ക്രിക്കറ്റ് ഓസ്ട്രേലിയ തന്നെയാണ് ആ ശബ്ദ സന്ദേശം പുറത്തുവിട്ടിരിക്കുന്നത്.
സ്റ്റേഡിയത്തിലെ സ്ക്രീനില് ക്രിക്കറ്റില് നടന്ന ഏറ്റവും വലിയ ചതി പതിഞ്ഞപ്പോള് എന്തു മണ്ടത്തരമാണ് ബാന്ക്രോഫ്റ്റ് ഫീല്ഡില് കാണിക്കുന്നതെന്നായിരുന്നു ലെമാകന് വാക്കിടോക്കിയിലൂടെ ഹാന്കോമ്പിനോട് പറഞ്ഞത്. ഇതേതുടര്ന്ന് ഹാന്കോമ്പ് ഗ്രൗണ്ടിലെത്തി നിര്ദേശം കൈമാറുകയായിരുന്നു. നിര്ദേശം കിട്ടിയതിനു പിന്നാലെയാണ് പന്ത് ചുരണ്ടാന് ഉപയോഗിച്ച മഞ്ഞ ടേപ്പ് പാന്റിനുള്ളില് ഒളിപ്പിച്ചത്.
