ജോധ്പുര്: ജീവപരന്ത്യം ജയില് ശിക്ഷിച്ചുള്ള വിധി കേട്ടു െവെകാതെ ആശാറാം ബാപ്പുവിന് ദേഹാസ്വാസ്ഥ്യമുണ്ടായി. ജോധ്പുര് സെന്ട്രല് ജയിലിലേക്ക് സര്വസന്നാഹവുമുള്ള ആംബുലന്സിലെത്തിയ ഡോക്ടര്മാരുടെ സംഘം അദ്ദേഹത്തെ വിശദമായി പരിശോധിച്ചു. ഹരി ഓം' എന്നു ജപിച്ചു കൊണ്ടാണ് ആശാറാം ബാപ്പു വിധി പ്രസ്താവന കേട്ടത്. ഒന്നര മണിക്കൂറോളം കോടതിയില് നില്ക്കേണ്ട വന്നതാകാം ദേഹാസ്വാസ്ഥ്യത്തിനു കാരണമെന്നു ഡോക്ടര്മാര് അഭിപ്രായപ്പെട്ടു.
കുഴഞ്ഞ വീണപ്പോഴും 'ഹരി ഓം' എന്നു ജപിക്കുന്നുണ്ടായിരുന്നെന്നും അവര് പറഞ്ഞു. 77 വയസുകാരനായ ബാപ്പു വിധി കേട്ടതിനു പിന്നാലെ പൊട്ടിക്കരഞ്ഞതായി ദൃക്സാക്ഷികള് വെളിപ്പെടുത്തിയിരുന്നു. ആശാറാമിനു നിയമം അനുശാസിക്കുന്ന പരമാവധി ശിക്ഷ നല്കണമെന്ന് ഇരയുടെ അഭിഭാഷകന് ശക്തമായി വാദിച്ചിരുന്നു. രാജസ്ഥാനിലും ഗുജറാത്തിലുമായി ആശാറാമിനെതിരേ രണ്ട് കേസുകള് കൂടിയുണ്ട്. വിധിക്കെതിരേ െഹെക്കോടതിയെ സമീപിക്കുമെന്ന് ആശാറാമിന്റെ അഭിഭാഷകന് നീലം ദുബെ പറഞ്ഞു.
വിവാദ ആള്െദെവം ആശാറാം ബാപ്പുവുമൊത്തുള്ള പ്രധാനമന്ത്രി നരേന്ദ്ര മോഡിയുടെ ദൃശ്യങ്ങള് സാമൂഹികമാധ്യമങ്ങളില് പങ്കുവച്ച് കോണ്ഗ്രസ്. പ്രായപൂര്ത്തിയാവാത്ത പെണ്കുട്ടിയെ പീഡിപ്പിച്ച കേസില് ജോധ്പുര് കോടതി ശിക്ഷ വിധിച്ചതിനു പിന്നാലെയാണു കോണ്ഗ്രസ് ദൃശ്യങ്ങള് ട്വിറ്ററിലൂടെ പങ്കുവെച്ചത്. ആശാറാമിനെ മോഡി വണങ്ങുന്നതും ഇരുവരുമൊന്നിച്ച് ഒരു പൊതു പരിപാടിയില് സംസാരിക്കുന്നതും ദൃശ്യങ്ങളിലുണ്ട്. മറുപടിയായി കോണ്ഗ്രസ് നേതാവ് ദ്വിഗ് വിജയ് സിങ് ആശാറാമിനെ വണങ്ങുന്ന ചിത്രം ചിലര് ട്വീറ്റ് ചെയ്തിട്ടുണ്ട്. ആശാറാം ബാപ്പുവിന്റെ പേരിലുള്ള പൊതുസ്ഥലങ്ങളുടെ പേരുമാറ്റാനുള്ള നടപടികള് തുടങ്ങിയതായി മധ്യപ്രദേശ് മുഖ്യമന്ത്രി ശിവ്രാജ് സിങ് ചൗഹാന്.
തലസ്ഥാനമായ ഭോപ്പാലില് ആശാറാമിന്റെ പേരില് രണ്ടു സ്ഥലങ്ങളുണ്ട്. ആശാറാം ക്രോസിങ് റോഡും ആശാറാം ബസ് സ്റ്റാന്ഡും. രാജാ ഭോജ് വിമാനത്താവളത്തിനു പരിസരത്തുള്ള ആശാറാമിന്റെ ആശ്രമത്തിന് അടുത്താണ് ഈ രണ്ടു സ്ഥലങ്ങളും. ലാത്സംഗക്കേസില് വിചാരണ നേരിടുകയാണ് ആശാറാം ബാപ്പു. അഞ്ചാഴ്ചയ്ക്കുള്ളില് വിചാരണ പൂര്ത്തിയാക്കണമെന്നാണു സുപ്രീം കോടതി ആവശ്യപ്പെട്ടിരിക്കുന്നത്. നിയമസംവിധാനങ്ങളില് പൂര്ണവിശ്വാസമുണ്ടെന്നും നീതി നടപ്പായതില് സന്തോഷമുണ്ടെന്നും പെണ്കുട്ടിയുടെ പിതാവ് പറഞ്ഞു. നാലുവര്ഷത്തെ കാത്തിരിപ്പ് വളരെ നീണ്ടതാണെന്നും വിധിയില് സന്തോഷമുണ്ടെന്നും പെണ്കുട്ടിയും പ്രതികരിച്ചു
