തിരുവനന്തപുരം : കൊല്ലപ്പെട്ട വിദേശ വനിതയുടെ മൃതദേഹം ദഹിപ്പിക്കരുതെന്ന് മനുഷ്യാവകാശ കമ്മിഷന്. മൃതദേഹം ദഹിപ്പിക്കാനുള്ള ചടങ്ങുകള് പുരോഗമിക്കുന്നതിനിടെയാണ് മനുഷ്യാവകാശ കമ്മിഷന്റെ ഭാഗത്തു നിന്നും ഇത്തരമൊരു നിലപാട് ഉണ്ടായിരിക്കുന്നത്. അതേസമയം, ഉത്തരവിന്റെ പകര്പ്പ് ഇതുവരെ കൈമാറിയിട്ടില്ല.
അന്വേഷണം തൃപ്തികരമല്ലെന്നും ഇനിയും ദുരൂഹതകള് നീങ്ങാനുണ്ടെന്നും ചൂണ്ടിക്കാട്ടി ബി.ജെ.പി ജില്ലാ പ്രസിഡന്റ് എസ്. സുരേഷിന്റെ പരാതിയിലാണ് മനുഷ്യാവകാശ കമ്മിഷന്റെ നീക്കം. നിലവില് പിടിയിലായിട്ടുള്ളവര് യഥാര്ത്ഥ പ്രതികളാണോ എന്നതില് സംശയമുണ്ടെന്നും കൂടുതല് വ്യക്തത കൈവരാനുണ്ടെന്നും പരാതിയില് പറയുന്നു. ഇതു സംബന്ധിച്ച റിപ്പോര്ട്ട് രണ്ടാഴ്ചയ്ക്കണം നല്കണമെന്ന് നിര്ദേശത്തില് പറയുന്നു.
കൊല്ലപ്പെട്ട വിദേശ വനിത ഒരു ക്രിസ്തീയ വിശ്വാസിയാണെന്നും ക്രിസ്തീയ വിശ്വാസ പ്രകാരം മൃതദേഹം ദഹിപ്പിക്കാറില്ലെന്നും മൃതദേഹം ദഹിപ്പിച്ചാല് വീണ്ടും പോസ്റ്റുമോര്ട്ടം ചെയ്യാനുള്ള ഒരു സാഹചര്യമുണ്ടായാല് അതിന് സാധ്യമാകില്ലെന്നും പരാതിയില് പറഞ്ഞിട്ടുണ്ട്.
