ന്യൂഡല്ഹി: ഏകദേശം ഒരു കിലോയോളം കൊക്കെയ്ന് 106 ഗുളികളാക്കി വിഴുങ്ങി മയക്കുമരുന്നു കടത്ത് നടത്തിയ ബ്രസീലിയന് യുവതി നാര്ക്കോട്ടിക്സ് കണ്ട്രോള് ബ്യൂറോ (എന്സിബി) അറസ്റ്റ് ചെയ്തു. ഇന്ദിരാഗാന്ധി വിമാനത്താവളത്തിലൂടെ മെയ് 14 ന് 25 കാരി മയക്കുമരുന്നു കടത്തുന്നെന്ന രഹസ്യാന്വേഷണ വിഭാഗത്തിന് കിട്ടിയ വിവരത്തിന്റെ അടിസ്ഥാനത്തിലാണ് യുവതിയെ പൊക്കിയത്.
ബ്രസീലിലെ സാവോപോളോയില് നിന്നുമാണ് യുവതി വന്നത്. അറസ്റ്റ് ചെയ്തതിന് തൊട്ടു പിന്നാലെ യുവതിയെ സഫ്ദര്ജംഗ് ആശുപത്രിയിലേക്ക് കൊണ്ടു പോകുകയും എക്സ്റേയിലൂടെ കൊക്കെയ്ന് ഗുളികകളുടെ സാന്നിദ്ധ്യം വയറ്റിനുള്ളില് കണ്ടെത്തുകയുമായിരുന്നു. ദക്ഷിണ അമേരിക്കയിലെ മയക്കുമരുന്ന മാഫിയയുടേതാണ് ഉല്പ്പന്നം ഇന്ത്യന് തലസ്ഥാനത്ത് താമസിക്കുന്ന ആഫ്രിക്കന് യുവാക്കളായ മയക്കുമരുന്ന് കടത്തുകാരില് എത്തിക്കാനായിരുന്നു കാരിയറയാത് എന്ന് യുവതി പോലീസിന്റെ ചോദ്യം ചെയ്യലില് വ്യക്തമാക്കിയിട്ടുണ്ട്.
യുവതിയുടെ പേരോ മറ്റു കാര്യങ്ങളോ പുറത്തു വിട്ടിട്ടില്ല. ശനിയാഴ്ച തന്നെ അറസ്റ്റ് രേഖപ്പെടുത്തിയ ഇവരെ കോടതി റിമാന്റ് ചെയ്തു. കഴിഞ്ഞമാസവും സമാനഗതിയില് ഒരു വിദേശ വനിത മയക്കുമരുന്നുമായി പിടിയിലായിരുന്നു. സിംബാബ്വേ കാരിയായ യുവതി മൂന്നു കിലോ മയക്കുമരുന്നുമായി പിടിയിലായിരുന്നു. 15 കോടി വിലമതിക്കുന്ന മയക്കുമരുന്നാണ് യുവതി കടത്താന് ശ്രമിച്ചത്. ഗോവ വഴി ഫിലിപ്പീന്സ് നഗരമായ മനിലയിലേക്ക് കടത്താനായിരുന്നു ഉദ്ദേശം. യുവതിയുടെ ബാഗിനുള്ളില് ഒളിപ്പിച് നിലയിലായിരുന്നു.
