തിരുവനന്തപുരം : സംസ്ഥാനത്ത് വൈറസ് ബാധ കൊണ്ടുള്ള മരണം സ്ഥിരീകരിച്ചതോടെ പ്രവാസി മലയാളികള് ആശങ്കയില്. വിദേശയാത്രയ്ക്ക് നിപ വൈറസ് വിലങ്ങുതടിയാകുമെന്ന ഭീതിയിലാണ് ഇവര്.
വവ്വാലുകളില് നിന്നും മനുഷ്യ ശരീരത്തിലെത്തുന്ന ഈ രോഗം അതിവേഗമാണ് പടരുന്നത്. രോഗം ബാധിച്ച് കിടക്കുന്നവരെയും മരിച്ചവരെയും അവരുടെ ഉറ്റ ബന്ധുക്കള്ക്കു പോലും കാണാന് അനുവദിക്കുന്നില്ല എന്നത് ഈ വൈറസിന്റെ ഗുരുതരാസ്ഥയാണ് വ്യക്തമാക്കുന്നത്.
ഇത്തരത്തില് വൈറസ് ബാധിച്ച് മരിക്കുന്നവരെ എത്രയും വേഗം മറവുചെയ്യുക എന്നതു മാത്രമാണ് തൊട്ടടുത്ത നടപടിക്രമം. ഈ അസുഖത്തിന് നിലവില് ചികിത്സകള് ഒന്നും ഇല്ല. രോഗം പടരാതെ നോക്കുകയാണ് വേണ്ടത്.
