മോസ്കോ: ലോകകപ്പ് ആവേശത്തിന്റെ മരണമുഖത്താണ് മെസ്സിപ്പട. ജീവന് നിലനിര്ത്താന് ജയം മാത്രമാണ് വേണ്ടത്. എതിരാളികള് ആഫ്രിക്കന് കരുത്തരായ നൈജീരിയയും. പ്രീക്വാര്ട്ടര് പ്രതീക്ഷകള്ക്കു മുന്നില് മരവിച്ചു നില്ക്കുന്ന മെസ്സിപ്പടക്ക് ജയവും ഐസ്ലാന്ഡിന്റെ തോല്വിയും കാണണം.
ആശങ്കകളുടെ തീരത്തു നില്ക്കുന്ന അര്ജന്റീനന് ആരാധകര്ക്കു ആശ്വാസമാകുന്ന ഉറപ്പുമായി രംഗത്തെത്തിയിരിക്കുകയാണ് അര്ജന്റീനയെ തകര്ത്തുവിട്ട ക്രോയേഷ്യന് സൂപ്പര് താരമായ ലൂക്കാ മോഡ്രിച്ച്. റയല് താരവും ക്രോയേഷ്യന് താരവുമായ ലൂക്കാ മോഡ്രിച്ച് എന്ത് വിലകൊടുത്തും ഐസ്ലാന്ഡിനെ തോല്പ്പിക്കുമെന്നാണ് ഉറപ്പ് നല്കിയിരിക്കുന്നത്. കാരണം വേറൊന്നുമല്ല മെസ്സിയോടുള്ള സ്നേഹം അതുമാത്രം..!
മെസ്സി മികവുള്ള ഫുട്ബോളറാണ്. എന്നാല് അദേഹത്തിന് ഒറ്റയ്ക്ക എല്ലാം ചെയ്യാനാകില്ലെന്നും മോഡ്രിച്ച് പറയുന്നു. അവര്ക്കുമവണ്ടി എന്തു വില കൊടുത്തും ഐസ്ലാന്ഡിനെ തോല്പ്പിക്കുമെന്നും അര്ജന്റീനയ്ക്ക് ആശംസകള് നേര്ന്ന് മോഡ്രിച്ച് പറയുന്നു. ഗ്രൂപ്പില് ഒരു പോയിന്റുമായി നാലാം സ്ഥാനത്താണ് മെസ്സിപ്പട. ആറു പോയിന്റുമായി ക്രോയേഷ്യയാണ് ഗ്രൂപ്പില് ഒന്നാമത്. അടുത്ത എതിരാളികളായ നൈജീരിയ മൂന്ന് പോയിന്റുകളുമായി രണ്ടാം സ്ഥാനത്താണ്.
