ഓര്ത്തഡോക്സ് സഭയിലെ പീഡനം; നാല് വൈദികര്ക്കെതിരെ കേസെടുത്തു
പത്തനംതിട്ട: ഓര്ത്തഡേക്സ് സഭയിലെ വൈദികര് ഉള്പ്പെട്ട ലൈംഗിക പീഡനക്കേസില് നാല് വൈദികര്ക്കെതിരെ ക്രൈംബ്രാഞ്ച് കേസ് രജിസ്റ്റര് ചെയ്തു. ബലാത്സംഗം ഉള്പ്പെടെ രണ്ട് വകുപ്പുകള് ചേര്ത്താണ് എഫ്.ഐ.ആര് രജിസ്റ്റര് ചെയ്തിരിക്കുന്നത്.
ഏബ്രഹാം വര്ഗീസ് ജെയ്സ് ജോര്ജ്, ജോബ് മാത്യൂ, ജോണ്സണ് മാത്യൂ എന്നിവര്ക്കെതിരെയാണ് കേസ് രജിസ്റ്റര് ചെയ്തിരിക്കുന്നത്. അഞ്ച് വൈദികര്ക്കെതിരെയാണ് യുവതിയുടെ ഭര്ത്താവ് പരാതി നല്കിയിരുന്നത്.
മദ്യപാനികള്ക്ക് സൗജന്യ ചികിത്സയില്ല; ആരോഗ്യ ഇന്ഷുറന്സ് പദ്ധതിയില് നിന്ന് പുറത്താകും
ഗാന്ധിനഗര് : ആശുപത്രിയില് എത്തുമ്പോള് മദ്യത്തിന്റെ മണമുണ്ടെങ്കില് സൗജന്യ ചികിത്സാ പദ്ധതിയില് നിന്ന് പുറത്താകും. മദ്യം കഴിച്ചതു മൂലം ഉണ്ടായ രോഗമാണെന്ന് കണ്ടെത്തിയാലും ആരോഗ്യ ഇന്ഷുറന്സ് പ്രകാരമുള്ള സൗജന്യ ചികിത്സ ലഭിക്കില്ല.
അടുത്ത കാലത്തായി കോട്ടയം മെഡിക്കല് കോളജ് ആശുപത്രിയില് എത്തിയ നിരവധി പേര്ക്കാണ് മദ്യത്തിന്റെ പേരില് സൗജന്യ ചികിത്സ നിഷേധിക്കപ്പെട്ടത്. പദ്ധതിയില് അംഗമായ ഏതൊരാള്ക്കും സമ്പൂര്ണ സൗജന്യ ചികിത്സ ലഭിക്കേണ്ടതാണെങ്കിലും പദ്ധതിയുടെ നടത്തിപ്പ് സ്വകാര്യ ചികിത്സ ലഭിക്കേണ്ടതാണെങ്കിലും പദ്ധതിയുടെ നടത്തിപ്പ് സ്വകാര്യ കമ്പനിക്കായതിനാല് അവര് പറയുന്ന വ്യവസ്ഥകള് പാലിക്കേണ്ടി വരുന്നു.
11 പേരും ഒരുമിച്ച് തൂങ്ങി മരിക്കണം, ആഭിചാര ക്രിയയിലൂടെ ഉടന് തന്നെ ജീവന് തിരിച്ചു കിട്ടും, പുതിയ ജീവിതം കൂടുതല് സന്തോഷകരമായിരിക്കും: ഭാട്ടിയ കുടുംബത്തെ മരണത്തിലേയ്ക്ക് നയിച്ച ദുര്മന്ത്രവാദ പുസ്തകം കണ്ടെത്തി
ന്യൂഡല്ഹി: ഒരു കുടുംബത്തിലെ 11 പേര് തൂങ്ങി മരിച്ച നിലയില് കണ്ടെത്തിയ സംഭവത്തില് കൂടുതല് വിവരങ്ങള് പുറത്തുവിട്ട് പോലീസ്. കൃത്യത്തിന് പിന്നില് ദുര്മന്ത്രവാദമാണെന്ന് ഉറപ്പിക്കുന്ന വിവരങ്ങള് ലഭിച്ചു. വീട്ടിലെ പൂജാമുറിയില് നിന്നു ലഭിച്ച ബുക്കില് നിന്നാണ് കുടുംബത്തിലെ അംഗങ്ങളില് ആരൊക്കെയോ ദുര്മന്ത്രവാദത്തിന് അടിപ്പെട്ടിരുന്നെന്ന് മനസ്സിലാക്കിയത്. 2017 മുതല് ഈ ബുക്കില് ചില കാര്യങ്ങള് എഴുതിയിരുന്നു. ഇതില് പറഞ്ഞിരിക്കുന്നത് പോലെ തന്നെയാണ് മൃതദേഹങ്ങള് കണ്ടെത്തിയത്.
ഡല്ഹിയിലെ മരംമുറിയ്ക്ക് ഹരിത ട്രൈബ്യുണലിന്റെ സ്റ്റേ
ന്യൂഡല്ഹി: ഡല്ഹിയില് സര്ക്കാര് ജീവനക്കാര്ക്കായി പാര്പ്പിട സമുച്ചയങ്ങള് നിര്മ്മിക്കുന്നതിന് വ്യാപകമായി മരങ്ങള് മുറിച്ചുനീക്കാനുള്ള തീരുമാനത്തിന് സ്മററ്. ദേശീയ ഹരിത ട്രൈബ്യൂണല് ആണ് ഈ മാസം 19 വരെ സ്റ്റേ നല്കിയത്. വിഷയത്തില് കേന്ദ്രസര്ക്കാരിനും കേന്ദ്ര മലിനീകരണ നിയന്ത്രണ ബോര്ഡിനും ഭവന, അര്ബന് മന്ത്രാലയത്തിനും ട്രൈബ്യുണല് നോട്ടീസ് നല്കി. മരംമുറി തീരുമാനം വിവാദമായതോടെ ഹൈക്കോടതി ഈ മാസം നാലുവരെ തടഞ്ഞിരുന്നു.
ജലന്ധര് ബിഷപ്പിന്റെ പീഡനം: കന്യാസ്തീയുടെ പരാതി പരാതി ലഭിച്ചിട്ടില്ലെന്ന് കര്ദ്ദിനാള്; കന്യാസ്ത്രീ വന്നത് മഠത്തിലെ പ്രശ്നങ്ങള് സംസാരിക്കാന്
കൊച്ചി: ജലന്ധര് ബിഷപ്പ് ഫ്രാങ്കോ മുളയ്ക്കലിനെതിരായ പീഡന പരാതിയില് കന്യാസ്ത്രീയുടെ മൊഴി തള്ളി കര്ദ്ദിനാള് മാര് ജോര്ജ് ആലഞ്ചേരി പീഡന പരാതി തനിക്ക് ലഭിച്ചിട്ടില്ലെന്ന് കര്ദ്ദിനാള് കൊച്ചിയില് മാധ്യമങ്ങളോട് പ്രതികരിച്ചു. മഠത്തിലെ ചില പ്രശ്നങ്ങള് പറയാന് കന്യാസ്ത്രീ തന്നെ വന്നുകണ്ടിരുന്നു. പീഡനം നടന്നുവെന്ന് തന്നോട് പറഞ്ഞിട്ടില്ല. തനിക്ക് രേഖാമൂലം പരാതി നല്കിയിട്ടില്ല. ജലന്ധര് രൂപത തന്റെ അധികാര പരിധിയില് വരുന്നതല്ല. ലത്തീന് രൂപതയുടെ കീഴില് വരുന്നതാണ്. അതുകൊണ്ട് അവരുടെ കാര്യങ്ങളില് തനിക്ക് ഇടപെടാനാവില്ലെന്നും കര്ദ്ദിനാള് പറയുന്നു. പരാതി നല്കിയിട്ടില്ലേ എന്ന് മാധ്യമപ്രവര്ത്തകര് ആവര്ത്തിച്ച് ചോദിച്ചപ്പോള് അത് പോലീസല്ലേ അന്വേഷിക്കേണ്ടത് എന്നായിരുന്നു അദ്ദേഹത്തിന്റെ പ്രതികരണം.
