അബുദാബി: ഡി.ആര്.എസ് നല്കാന് ധോണി ആവശ്യപ്പെട്ടെങ്കില് പിന്നെ എതിര് ടീം ബാറ്റ്സ്മാന് ഗ്രൗണ്ടില് നില്ക്കണമെന്നില്ല, കൂടാരം കയറാം. കാരണം മറ്റൊന്നുമല്ല ധോണിയുടെ ഡി.ആര്.എസ് നിര്ദ്ദേശങ്ങള് പിഴയ്ക്കാറില്ല. നായകന് കോഹ്ലി ആയിരുന്നപ്പോഴും ഇപ്പോള് രോഹിത് നയിക്കുമ്പോഴും ഇതിന് മാറ്റമില്ല. ധോണിയോട് ആരാഞ്ഞ് നല്കുന്ന ഡി.ആര്.എസുകള് എല്ലാം ശരിയാകുന്നുണ്ട്. ഇന്നലെ നടന്ന ഏഷ്യാകപ്പിന്റെ സൂപ്പര് ഫോര് പോരാട്ടത്തില് ഇന്ത്യ-പാകിസ്താന് മത്സരത്തിലും ധോണി റിവ്യു സിസ്റ്റം വിജയമായി.
പാക് ഇന്നിംഗ്സിലെ എട്ടാം ഓവറിലാണ് സംഭവം. ബൗളര് സ്പിന്നര് യുസ്വേന്ദ്ര ചാഹല്. ചാഹലിന്റെ അവസാന പന്ത് പ്രതിരോധിക്കാന് പാക് താരം ഇമാമുല് ഹക്കിമിന്റെ ശ്രമം പിഴച്ചു. പന്ത് തട്ടിയത് മുന്കാലിലെ പാഡില്. ഇതോടെ ലെഹ് ബിഫോര് വിക്കറ്റിനായി ചാഹല് ഉള്പ്പെടെയുള്ള ഇന്ത്യന് താരങ്ങള് അപ്പീല് ചെയ്തു. എന്നാല് അംപയര് വിക്കറ്റ് അനുവദിച്ചില്ല.
— CricBoll (@mycricboll) September 23, 2018
ഇതോടെ നായകന് രോഹിത് ശര്മ്മ ധോണിയെ നോക്കി. ധോണി തലയാട്ടിയതും രോഹിത് തീരുമാനം ഡിസിഷന് റിവ്യു സിസ്റ്റത്തിന് വിട്ടു. തുടര്ന്നുള്ള റിപ്ലെയില് ഇമാമുല് ഹഖ് ഔട്ട് എന്ന് വ്യക്തം. ഇതോടെ സ്വന്തം തീരുമാനം തിരുത്തി അംപയര് ഔട്ട് വിളിച്ചു. മത്സരത്തിലെ ആദ്യ വിക്കറ്റ്, ഇതോടെ ഗാലറിയില് ഇന്ത്യന് ആരാധകരുടെ ആവേശം അണപൊട്ടി.
Dhoni review system strikes again to dismiss Imam-ul-haq !
👍😎#msd #dhoni #india #pakistan #indvspak #drs #dhonireviewsystem #cricketuniverse #asiacup #ipl2018 #ipl #cricketnews #ipl11 pic.twitter.com/LiAhsVc55y— Cricket Universe (@CricUniverse) September 23, 2018
നിരശാനായി ഇമാമംല് ഹഖ് പവലിയനിലേക്ക് നടക്കുമ്പോള് ഇന്ത്യന് താരങ്ങള് ധോണിയെ അഭിനന്തിക്കുന്നതിന്റെ തിരക്കിലായിരുന്നു. ഇതൊക്കെ കഴിഞ്ഞ് സ്റ്റംപിന് പിന്നിലേക്ക് കീപ്പിംഗിനായി പോകുമ്പോള് കമന്ററി ബോക്സില് സുനില് ഗവസ്കറിന്റെ ആവേശത്തിനും അതിരുകള് ഉണ്ടായിരുന്നില്ല. ' വാട്ട് എ ജീനിയസ് ദാറ്റ് മാന് ഈസ്! എം.എസ്.ഡി. ഹി ഈസ് ജസ്റ്റ് ഇന്ക്രഡിബിള്'.- ഗവസ്കര് പറഞ്ഞു.
