ശബരിമലയിലെ യുവതി പ്രവേശനത്തെ എതിര്ത്തുകൊണ്ട് മുന്നിരയില് നിന്ന് പ്രവര്ത്തിച്ച നേതാവാണ് പി.സി ജോര്ജ്ജ്. ഒരൊറ്റ അഴിഞ്ഞാട്ടക്കാരിയെയും എരുമേലി വഴി പോകാന് അനുവദിക്കില്ല എന്നു പ്രഖ്യാപിച്ചതും പിസി യെ പരിഹസിച്ചുകൊണ്ടുള്ള അഡ്വ, ജയശങ്കറിന്റെ ഫേസ്ബുക്ക് പോസ്റ്റ് ശ്രദ്ധേയമാകുന്നു. അയ്യപ്പ ഭക്തര് വാവാരു സ്വാമിക്കൊപ്പെ പൂഞ്ഞാര് പുലിയെയും ആരാധിക്കുന്ന കാലം വിദൂരമല്ലെന്ന് ജയസങ്കര് കുറിക്കുന്നു
ഫേസ്ബുക്ക് പോസ്റ്റിന്റെ പൂര്ണ്ണരൂപം:
പുലിവാഹനനാണ് ശബരിമല അയ്യപ്പന്; പൂഞ്ഞാര് വ്യാഘ്രമാണ് പിസി ജോര്ജ് എംഎല്എ.
സെപ്റ്റംബര് 28 മുതല് ഇന്നുവരെ ശബരിമലയിലെ യുവതി പ്രവേശത്തെ ഇത്രയും ശക്തമായി എതിര്ത്ത, ഭഗവാന്റെ നൈഷ്ഠിക ബ്രഹ്മചര്യം കാക്കാന് പണിപ്പെട്ട മറ്റൊരു നേതാവില്ല. ഒരൊറ്റ അഴിഞ്ഞാട്ടക്കാരിയെയും എരുമേലി വഴി പോകാന് അനുവദിക്കില്ല എന്നു പ്രഖ്യാപിച്ചതും പിസി തന്നെ.
മുഖ്യമന്ത്രിയുടെ യോഗം തൃണവല്ഗണിച്ച പന്തളത്തെ മുന് രാജാവ് എരുമേലിയില് പിസി ജോര്ജിന്റെ ഉപവാസം ഉദ്ഘാടനം ചെയ്തു. തന്ത്രി കുടുംബവും ഐക്യദാര്ഢ്യം പ്രഖ്യാപിച്ചു.
മതം ഏതായാലും വിശ്വാസം സംരക്ഷിക്കപ്പെടണം എന്നാണ് ജോര്ജിന്റെ നിലപാട്. അയ്യപ്പ ഭഗവാനെ വിശ്വാസികള്ക്കു വിട്ടുകൊടുക്കണം, ശബരിമലയെ നാസ്തിക മുക്തമാക്കണം, അഴിഞ്ഞാട്ടക്കാരികളെ നിലയ്ക്കു നിര്ത്തണം.
വാവരുസ്വാമിക്കൊപ്പം അയ്യപ്പ ഭക്തര് പൂഞ്ഞാര് പുലിയെ ആരാധിക്കുന്ന കാലം അകലെയല്ല.
സ്വാമിയേ ശരണമയ്യപ്പ!
