ഇന്ത്യന് വനിത ടി20 ക്രിക്കറ്റ് ടീം നായിക ഹര്മന്പ്രീത് കൗറിന് ആരാധകര് ഏറെയാണ്. ഇന്ത്യന് വനിത ക്രിക്കറ്റ് ടീം ഇപ്പോള് മികച്ച പ്രകടനങ്ങള് കാഴ്ചവെയ്ക്കുന്നതിന് പിന്നില് ഹര്മന്പ്രീതും സ്മൃതി മന്ദാനയും അടക്കമുള്ളവരുടെ വിയര്പ്പാണ്. ടി20 ലോകകപ്പിലെ ആദ്യ മത്സരത്തില് തന്നെ റെക്കോര്ഡ് സെഞ്ചുറി നേടിയ ഹര്മന്പ്രീത് കൗറാണ് ഇപ്പോള് ഏവരുടെയും സംസാരവിഷയം. 51 പന്തില് 103 റണ്സായിരുന്നു ന്യൂസിലാണ്ടിനെതിരെ ഹര്മന്പ്രീത് അടിച്ചുകൂട്ടിയത്. ഏഴ് ഫോറും എട്ട് സിക്സറും അടങ്ങുന്നതായിരുന്നു സെഞ്ചുറി. ട്വന്റി 20 സെഞ്ച്വറി നേടുന്ന ആദ്യ വനിതാ താരമാണ് ഹര്മന്.
കിവീസ് ബൗളര്മാരെ ഹര്മന്പ്രീത് അടിച്ചൊതുക്കിയതിന് പിന്നില് മറ്റൊരു കഥകൂടിയുണ്ട്. കടുത്ത വയറുവേദനകാരണം ഓടാന് വയ്യാതായതുകൊണ്ടാണ് സിംഗിള് എടുക്കാന് ശ്രമിക്കാതെ ബൗണ്ടറി അടിക്കുകയായിരുന്നെന്നാണ് ഹര്മന് പറയുന്നത്. 51 പന്തില് നിന്നാണ് 103 റണ്സ്. 'മത്സരത്തിന്റെ തലേന്ന് ചെറുതായി പുറംവേദനയുണ്ടായിരുന്നു. മത്സരദിനം രാവിലെയും ശാരീരിക അസ്വസ്ഥതകളുണ്ടായിരുന്നു. മൈതാനത്തെത്തിയപ്പോള് മുതല് വയറുവേദനയുണ്ടായിരുന്നു. ഫിസിയോ വന്ന് മരുന്ന് നല്കിയതോടെയാണ് അല്പം കുറവുതോന്നിയത്'. ഇന്നിംങ്സിന്റെ തുടക്കത്തില് വിക്കറ്റിനിടയില് ഓടുമ്പോള് വയറുവേദന കൂടി വന്നു. വിക്കറ്റുകള്ക്കിടയില് ഓടുക എളുപ്പമല്ലെന്ന് തിരിച്ചറിഞ്ഞതോടെ പ്ലാന് മാറ്റുകയായിരുന്നു.-ഹര്മന്പ്രീത് പറയുന്നു.
ഇന്ത്യന് താരം രോഹിത് ശര്മ്മ ഹര്മന് അഭിനന്ദനവുമായി രംഗത്തെത്തി. ട്വന്റി20 ലോകകപ്പിന് എന്തൊരു തുടക്കമാണിത്. ട്വന്റി 20 സെഞ്ച്വറി നേടുന്ന ആദ്യ വനിതാ താരമായ ഹര്മന്റേത് അവിശ്വസനീയമായ ഇന്നിങ്സായിരുന്നു. ഹര്മന് സ്െ്രെടക്ക് നല്കിയും ശാന്തമായും ബാറ്റ് ചെയ്ത ജമീമയേയും അഭിനന്ദിക്കേണ്ടതുണ്ട്. ബൗളര്മാര് ഹര്മനെ സൂക്ഷിക്കണമെന്നും രോഹിത് പറയുന്നു. സെവാഗിന്റെതായും അഭിനന്ദനമെത്തി. . മനോഹരമായ സെഞ്ച്വറിയായിരുന്നു ഹര്മന്റേതെന്നും കരുത്തുറ്റ ഇന്നിങ്സെന്നുമായിരുന്നു സെവാഗിന്റെ അഭിനന്ദനം. മുന് ഇന്ത്യന് താരമായ വിവിഎസ് ലക്ഷ്മണ്, ബോളിവുഡ് താരം അമിതാഭ് ബച്ചന് തുടങ്ങി നിരവധി പേരാണ് ഹര്മന് അഭിനന്ദവുമായെത്തി.
