ഗയാന: ട്വന്റി-20 ലോകകപ്പില് ഇന്ത്യന് വനിതാ ക്രിക്കറ്റ് ടീമിനെ നയിക്കുന്ന ഹര്മന് പ്രീത് കൗറിന് ക്രിക്കറ്റ് ലോകത്തിന്റെ കൈയ്യടി. ന്യൂസിലാന്ഡിനെതിരായ ആദ്യ മത്സരത്തില് വയസു വേദന സഹിച്ചുകൊണ്ടാണ് വമ്പന് അടികളില് മാത്രം ആശ്രയിച്ച് അതിവേഗ സെഞ്ചുറി നേടിയത്. പിന്നാലെയുണ്ടായ വെളിപ്പെടുത്തല് അമ്പരപ്പോടെയാണ് ക്രിക്കറ്റ് ലോകം കേട്ടിരുന്നത്. പിന്നാലെയിതാ ഹര്മന് പ്രീതിന്റെ കരുതലിന് കയ്യടിക്കുകയാണ് സോഷ്യല് മീഡിയ.
പാക്കിസ്താനെതിരായ മത്സരത്തിന് തൊട്ടുമുമ്പാണ് ഹര്മന് പ്രീത് ആരാധകരുടെ മനം കവര്ന്നത്. മത്സരത്തിനു മുന്നോടിയായി ഇരുടീമുകളുടെയും ദേശീയഗാനം ആലപിക്കുന്നതിന് ഗ്രൗണ്ടില് വരിവിയായി നിന്നപ്പോഴാണ് സംഭവം. താരങ്ങളെ അനുഗമിക്കുന്ന കുട്ടിത്താരങ്ങളും ഇവര്ക്കൊപ്പം മുന്നില് നില്പ്പുണ്ടായിരുന്നു.
ഇന്ത്യയുടെ ദേശീയ ഗാനം ആലപിക്കുന്നതിനിടെ തനിക്കു മുന്നില് നില്ക്കുന്ന കുട്ടി പൊള്ളുന്ന വെയിലില് തളര്ന്നു പോകുന്നുവെന്ന് ഹര്മന് പ്രീതിന്റെ ശ്രദ്ധയില്പ്പെട്ടത്. ഗാനത്തിനിടെ തന്നെ കുട്ടിയെ ഹര്മന് പ്രീത് ചേര്ത്തു പിടിച്ചാണ് നിര്ത്തിയത്. ദേശീയ ഗാനം പുര്ത്തിയായ ഉടനെ കുട്ടിയെ കൈകളില് കോരിയെടുത്താണ് അധികൃതര്ക്ക് കൈമാറിയത്. ഇതിനു ശേഷമാണ് ഹര്മന് പ്രീത് ഡഗ് ഔട്ടിലേക്ക് നടന്നത്. ആദ്യം ബാറ്റ് ചെയ്ത പാക്കിസ്താന് 20 ഓവറില് 133 റണ്സെടുത്തുവെങ്കിലും പാക്കിസ്താന് 10 റണ്സ് പെനാല്റ്റി വിധിച്ചതിനാല് ഇന്ത്യന് ലക്ഷ്യം 124 ആയി ചുരുങ്ങിയിരുന്നു. മിതാലി രാജിന്റെയും സ്മൃതി മന്ദാനയുടെയും ബാറ്റിങ്ങ് മികവില് ഇന്ത്യ അനായാസം ലക്ഷ്യം മറികടന്നു.
— Mushfiqur Fan (@NaaginDance) November 11, 2018
