ആവേശം അണപൊട്ടുന്ന മത്സരമാണ് ഫുട്ബോള്. ജയിക്കാനായി എന്ത് തന്ത്രവും താരങ്ങളും കോച്ചും പ്രയോഗിക്കും. എന്നാല് ടീമിന്റെ വിജയത്തിനായി ഒരു ആരാധകര് പുറത്തിറക്കിയ തന്ത്രമാണ് ഇപ്പോള് സോഷ്യല് മീഡിയകളില് വൈറലാകുന്നത്. ഹോളണ്ടിലെ മൂന്നാം ഡിവിഷന് ക്ലബ്ബായ റിന്സ്ബര്ഗ്സെയുടെ ആരാധികയാണ് ഫുട്ബോള് ലോകം ഇതു വരെ കണ്ടിട്ടില്ലാത്ത തന്ത്രം പുറത്തെടുത്തത്. ക്ലബ്ബിന്റെ ആരാധകര് ഒരു സ്ട്രിപ്പര് വുമണിനെ വാടകയ്ക്ക് എടുക്കുകയും നഗ്നയാക്കി മൈതാനത്ത് കൂടി ഓടിക്കുകയുമാണ് ചെയ്തത്. എതിര്ടീമിന്റെ കണ്ട്രോള് കളയുകയായിരുന്നു ആരാധകരുടെ ലക്ഷ്യം.
പോയിന്റ് ടേബിളില് മുന്നില് നില്ക്കുന്ന എഎഫ്സി ആംസ്റ്റര്ഡാമും റിന്സ്ബെര്ഗ്സെയുമായുള്ള മത്സരത്തിനിടെയാണ് സംഭവം. റിന്സ്ബര്ഗ്സെ ഒരു ഗോളിന് പിന്നിട്ട് നില്ക്കെ 'സ്ട്രിപ്ടീസ് ഫോക്സി'യെന്ന അപരനാമത്തിലറിയപ്പെടുന്ന യുവതിയെ നഗ്നയാക്കി മൈതാനത്തേക്ക് ആരാധകര് ഇറക്കി വിടുകയായിരുന്നു. തുടര്ന്ന് എതിര്ടീം അംഗങ്ങളുടെ അടുത്തേക്ക് യുവതി ഓടിയെത്തി. പ്രതിരോധതാരം ജോയല് ടിയേമയോട് തന്നെ ഒന്ന് പരിഗണിക്കാന് യുവതി പറഞ്ഞതായി അദ്ദേഹം വെളിപ്പെടുത്തി. സംഭവത്തിന് ശേഷം ഉടന്തന്നെ യുവതി സ്റ്റേഡിയം വിടുകയും ചെയ്തു.
മത്സരത്തിനു ശേഷം യുവതിയുടെ സമീപനത്തെക്കുറിച്ച് ടിയേമ മാധ്യമങ്ങളോടു സംസാരിച്ചു. ഫോക്സി തന്നെ പ്രലോഭിപ്പിച്ചുവെന്നും എന്നാല് വീട്ടില് കുഴപ്പമാകുമെന്നതു കൊണ്ട് താന് സംയമനം പാലിച്ചതാണെന്നുമാണ് ടിയേമ പറയുന്നത്. ഗ്രൗണ്ടിലെത്തിയ യുവതി അതീവ സുന്ദരിയാണെന്നും താരം വെളിപ്പെടുത്തി. പക്ഷേ റിന്സ്ബര്ഗ്സെ ആരാധകരുടെ തന്ത്രം മത്സരത്തില് ഫലം കണ്ടില്ല. രണ്ടിനെതിരെ ആറു ഗോളുകള്ക്ക് എഎഫ്സി ആംസ്റ്റര്ഡാം കളിയില് വിജയിച്ചു.
