പെനാല്റ്റി സേവ് ചെയ്ത നായ ആണ് സോഷ്യല് മീഡിയയില് താരം. ഫുട്ബോള് മത്സരത്തിനിടെ പെനാല്റ്റി സമയത്താണ് നായയുടെ അപ്രതീക്ഷിത ഇടപെടല് കൊണ്ട് സംഭവം വൈറല് ആക്കിയത്. പന്തിന്റെ ചലനം മനസിലാക്കാതെ ഗോളി വലതു വശത്തേക്ക് ചാടിയപ്പോള് ഇടതു സൈഡിലുടെ വന്ന പന്ത് നായയുടെ ദേഹത്ത് തട്ടിയാണ് പുറത്തുപോയത്. രാജ്യാന്തര മാധ്യമങ്ങള് റിപ്പോര്ട്ട് ചെയ്ത സംഭവത്തില് മത്സരം എവിടെ വെച്ച് നടന്നതാണെന്നോ ഏതൊക്കെ ടീമുകള് ആണെന്നോ വിവരങ്ങള് ഒന്നും വ്യക്തമാക്കിയിട്ടില്ല.
ഡാഷ്ഹണ്ട് വിഭാഗത്തില്പ്പെട്ട നായയുടെ ദേഹത്ത് തട്ടിയാണ് പന്ത് പുറത്തേക്ക് പോയത്. പെനാല്റ്റി സമയത്ത് കൃത്യസമയത്താണ് നായ ഗോള്പോസ്റ്റിന്െന്റ ഇടതുവശത്ത് പ്രത്യക്ഷപ്പെട്ടത്. പന്ത് തടഞ്ഞുവെങ്കിലും പന്തിന്റെ വേഗത കാരണം നായ വലയില് കയറുകയും ചെയ്തു. നായ പെനാല്റ്റി രക്ഷപ്പെടുത്തിയ ശേഷം റഫറിയെ കാര്യം പറഞ്ഞ് മനസിലാക്കാന് താരങ്ങള് പാടുപെടുന്നത് വീഡിയോയില് വ്യക്തമാണ്. മത്സരം കാണാനെത്തിയവരില് ഒരാള് പകര്ത്തിയ വീഡിയോയാണ് വൈറലാകുന്നത്.
