തിരുവനന്തപുരം: ശബരിമല വിവാദം ഉള്പ്പെടെ ഒട്ടേറെ പ്രശ്നങ്ങള് നില നില്ക്കുന്ന സാഹചര്യത്തില് വിമതരെ ഉപയോഗിച്ച് കോട്ടയം പിടിക്കാന് ഇടതുപക്ഷം തീരുമാനം എടുത്താല് ഫ്രാന്സിസ് ജോര്ജ്ജിനെ മത്സരിപ്പിച്ചേക്കുമെന്ന് സൂചന. കേരളാ കോണ്ഗ്രസില് പാര്ട്ടിക്കുള്ളില് തന്നെ പട നില നില്ക്കുന്ന സാഹചര്യത്തില് വിമത നീക്കം നടത്തി പുറത്തുവന്ന ജനാധിപത്യ കേരളാ കോണ്ഗ്രസ് ചെയര്മാന് ഫ്രാന്സിസ് ജോര്ജിനെ തന്നെ കേരളാ കോണ്ഗ്രസ് എമ്മിനെതിരേ മത്സരിപ്പിച്ചേക്കും എന്നാണ് സൂചനകള്.
കോട്ടയം കേരളാകോണ്ഗ്രസിന് തന്നെ യുഡിഎഫ് നല്കിയാല് കെ എം മാണിയും ജോസഫും തമ്മില് അസ്വാരസ്യ സാഹചര്യം മുതലെടുക്കുക ലക്ഷ്യമിട്ടാണ് എല്ഡിഎഫ് നീക്കം. രണ്ടു തവണ ജോസ് കെ മാണി ജയിച്ചുകയറിയ കോട്ടയത്ത് കഴിഞ്ഞ തവണ മത്സരിച്ചത് ജനതാദള് എസ് ആയിരുന്നു. ഇത്തവണ ഈ സീറ്റ് ജനാധിപത്യ കേരളാ കോണ്ഗ്രസിന് നല്കാന് ഇടതുപക്ഷം ആലോചിക്കുന്നുണ്ട്. അതേസമയം തന്നെ സിപിഎം സീറ്റ് പിടിക്കുമെന്നും സുരേഷ്കുറുപ്പ് ഉള്പ്പെടെയുള്ളവരുടെ പേരുകള് പരിഗണിക്കുന്നതായും നേരത്തേ റിപ്പോര്ട്ടുകള് പുറത്തു വന്നിരുന്നു.
കോട്ടയം ഒഴിവാക്കിയാല് ഫ്രാന്സിസ് ജോര്ജ്ജിനെ പത്തനംതിട്ടയില് പരീക്ഷിച്ചേക്കും എന്നും കേള്ക്കുന്നുണ്ട്. രാഷ്ര്ടീയ ചിത്രം മാറുന്നതനുസരിച്ച് ആയിരിക്കും ഈ തീരുമാനമെങ്കിലും മാണിജോസഫ് അസ്വാരസ്യങ്ങളുടെ പശ്ചാത്തലത്തില് കോട്ടയത്തിനാണ് മുന്ഗണനയുള്ളത്. കോട്ടയത്ത് കഴിഞ്ഞ തവണ മല്സരിച്ച് വലിയ തോല്വി ഏറ്റുവാങ്ങിയ ജെ ഡി യുവില് നിന്ന് സീറ്റ്, സി പി എം ഏറ്റെടുക്കാനായിരുന്നു ആദ്യം ആലോചന ഉയര്ന്നത്. എന്നാല്, മാണി ജോസഫ് അസ്വാരസ്യങ്ങളുടെ പശ്ചാത്തലത്തില് കോട്ടയത്ത് ഫ്രാന്സിസ് ജോര്ജിന് നല്ല ജയസാധ്യത ഉണ്ടെന്നാണ് മുന്നണി നേതൃത്വത്തിന്റെ കണക്കൂകൂട്ടല്.
ഇടുക്കി മുന് എം പിയായിരുന്നു ഫ്രാന്സിസ് ജോര്ജിനെ പഴയ ഇടുക്കി മണ്ഡലത്തിലെ രണ്ട് നിയമസഭാ മണ്ഡലങ്ങള് കൂടി ഉള്പ്പെടുന്നു എന്നതാണ് പത്തനംതിട്ടയിലും കാണുന്ന സാധ്യത. അതേസമയം കഴിഞ്ഞ വര്ഷം ഒരു ലക്ഷത്തില്പരം വോട്ടിന്റെ ഭുരിപക്ഷത്തിലായിരുന്നു മാത്യൂ ടി തോമസിനെ ജോസ് കെ മാണി പരാജയപ്പെടുത്തിയത്. ഇത്തവണ ഇവിടെ പുതിയ സ്ഥാനാര്ത്ഥി വരും. ഇടുക്കി കേരളാ കോണ്ഗ്രസിന് നല്കി കോട്ടയം കോണ്ഗ്രസ് ഏറ്റെടുത്താല് മത്സരം കടുത്തതാകും. ഇടതുമുന്നണി എന്ത് തീരുമാനമെടുത്താലും അത് അംഗീകരിക്കുമെന്നാണ് ജനാധിപത്യ കേരളാ കോണ്ഗ്രസിന്റെ മറ്റൊരു നേതാവ് ആന്റണി രാജു പറയുന്നത്.
