ബ്രസീലിലെ സുന്ദരമായ ഒരു കൊച്ചു ദ്വീപ്. സാവോ പോളോയ്ക്ക് സമീപത്തു നിന്നും 33 കിലോ മീറ്റര് അകലെയുള്ള 'സ്നേക്ക് ഐലന്റ്'. ഈ കൊച്ചു ദ്വീപില് ആരെങ്കിലും ചെന്നുപെട്ടാല് അവര് നൊടിയിടയില് നീലിച്ച മൃതദേഹങ്ങളായി മാറും. കാരണം വ്യത്യസ്ത ഇനത്തില് പെട്ടതും ലോകത്തിലെ ഏറ്റവും വിഷമുള്ളതുമായ 4000 ത്തോളം പാമ്പുകളാണ് ഇവിടെയുള്ളത്.
ആകാശത്തു കൂടി പോകുന്ന പക്ഷികളെ പോലും വിഷം ചീറ്റി പിടിക്കാന് കഴിവുള്ള ഈ ദ്വീപിലേയ്ക്ക് മനുഷ്യല് പോകുന്നത് അധികൃതര് കര്ശനമായി നിരോധിച്ചിട്ടുണ്ട്. മുന്നറിയിപ്പുകള് ഭേദിച്ച് ഇവിടേയ്ക്ക് എത്തുന്നവരെ കാത്തിരിക്കുന്നത് ദാരുണാന്ത്യം.
ഓരോ വര്ഷവും ഏതാനും സയന്റിസ്റ്റുകള് മാത്രമേ ഗവേഷണ ആവശ്യങ്ങള്ക്കായി ഇവിടേയ്ക്ക് പോകാറുള്ളൂ. അടുത്തിടെ റിപ്പോര്ട്ടറായ താര ബ്രൗണിന് ഈ ദ്വീപിനുള്ളില് പ്രവേശിക്കാനും കാര്യങ്ങള് കണ്ടറിഞ്ഞ് റിപ്പോര്ട്ട് ചെയ്യാനും അധികൃതര് അനുവാദം നല്കിയതോടെയാണ് ദ്വീപിനുള്ളിലെ കാഴ്ചകള് പുറം ലോകത്ത് എത്തിയത്.
എന്തിനും തയ്യാറായ മെഡിക്കല് വിദഗ്ധര്ക്കും ആയുധധാരികള്ക്കും ഒപ്പമാണ് ദ്വീപിലേയ്ക്ക് കടന്നത്. അപ്രതീക്ഷിതമായി കൈവന്ന അവസരത്തിന്റെ ത്രില്ലിലായിരുന്നു.
മോഷ്ടാക്കള് മോഷണ വസ്തുക്കള് ഇവിടെ കുഴിച്ചിടാറുണ്ടെന്നും അവ പാമ്പുകള് സംരക്ഷിക്കുമെന്നും കഥകളുണ്ടെന്ന് പ്രാദേശിക മീന്പിടുത്തക്കാര് പറഞ്ഞുവെന്ന് താര ബ്രൗണ് റിപ്പോര്ട്ട് ചെയ്യുന്നു. ഇവിടേയ്ക്കുള്ള തന്റെ യാത്ര അവര് വിലക്കിയതായും താരബ്രൗണ് പറയുന്നു. വളരെ സൂക്ഷിച്ചായിരുന്നു ഓരോ ചുവടുകളും മുന്നോട്ടുവെച്ചത്. ഉള്ളില് ഭയം ഉണ്ടായിരുന്നുവെങ്കിലും ആര്ക്കും കിട്ടാത്ത അവഅവസരം കൈവന്നതിന്റെ ത്രില്ലാണ് മുന്നോട്ട് നയിച്ചതെന്നും അവര് വ്യക്തമാക്കുന്നു.
