തെരഞ്ഞെടുപ്പുകാലത്ത് പാര്ട്ടി നിലപാടിനൊപ്പം നില്ക്കാതിരുന്ന പാര്ട്ടി അംഗങ്ങളെ കണ്ടെത്തി പുറത്താക്കാന് ഉറച്ച് തീരുമാനിച്ച് സിപിഐഎം പശ്ചിമ ബംഗാള് സംസ്ഥാന കമ്മറ്റി. ബിജെപിയ്ക്ക് വോട്ടു ചെയ്തവരെ കണ്ടെത്തി അവരെ പുറത്താക്കാനോ സസ്പെന്ഡ് ചെയ്യാനോ ആണ് തീരുമാനം.
പോളിംഗ് ഏജന്റ് ഉണ്ടായിരുന്ന ചില ബൂത്തുകളില് പോലും ഞങ്ങളുടെ സ്ഥാനാര്ത്ഥിക്ക് ഒരു വോട്ടും ലഭിക്കാത്ത അവസ്ഥയുണ്ടായെന്നും വഞ്ചന നടത്തിയ അത്തരം അംഗങ്ങളെ കണ്ടെത്തി പുറത്താക്കാനോ സസ്പെന്ഡ് ചെയ്യുന്നതിനോ ഉള്ള നടപടി സ്വീകരിക്കുവാന് ഞങ്ങള് ജില്ലാ കമ്മറ്റികളോട് ആവശ്യപ്പെട്ടെന്നും ഒരു മുതിര്ന്ന നേതാവ് പറഞ്ഞു.
ശുദ്ധീകരണ നടപടി അത് ഞങ്ങളുടെ എണ്ണത്തെ കുറച്ചേക്കാം. പക്ഷെ ഞങ്ങളുടെ മുമ്പില് മറ്റൊരു വഴിയില്ല. അത്തരം പാര്ട്ടി അംഗങ്ങളെ തുടരാന് അനുവദിച്ചാല് ഞങ്ങളുടെ പ്രത്യയശാസ്ത്രത്തില് ഇപ്പോഴും വിശ്വസിച്ച് നില്ക്കുന്നവര്ക്ക് നല്കുന്നത് തെറ്റായ സന്ദേശമാണെന്നും അദ്ദേഹം പറഞ്ഞു.
ലോകസഭാ തെരഞ്ഞെടുപ്പില് സിപിഐഎം വോട്ട് ശതമാനം വളരെയധികം ഇടിഞ്ഞിരുന്നു. വോട്ടുകളുടെ എണ്ണം 22 ശതമാനത്തില് നിന്നും ആറ് ശതമാനത്തിലേ്യ്ക്ക് ഇടിഞ്ഞിരുന്നു.
