ബംഗളുരു: കര്ണാടകയിലെ രാഷ്ട്രീയ നാടകം തുടരുന്നതിനിടെ ജെ.ഡി.എസ് എം.എല്.എമാരെ റിസോര്ട്ടിലേക്ക് മാറ്റി. കോണ്ഗ്രസ് എം.എല്.എമാര്ക്കൊപ്പം മൂന്ന് ജെ.ഡി.എസ് എം.എല്.എമാര് കൂടി ബി.ജെ.പി പാളയത്തിലേക്ക് കൂറുമാറിയതോടെയാണ് സ്വന്തം എം.എല്.എമാരെ ജെ.ഡി.എസ് റിസോര്ട്ടിലേക്ക് മാറ്റിയത്. നന്ദി ഹില്സ് റോഡിലെ ദേവനഹള്ളിയിലുള്ള പ്രസ്റ്റീജ് ഗോള്ഫ്ഷെയര് €ബിലേക്കാണ് ജെ.ഡി.എസ് എം.എല്.എമാരെ മാറ്റിയത്. എം.എല്.എമാരെയും വഹിച്ചുകൊണ്ടുള്ള ബസ് എട്ട് മണിയോടെ റിസോര്ട്ടിലെത്തി.
അതേസമയം ഒരു സ്വതന്ത്രനടക്കം മുംബൈയില് കഴിഞ്ഞിരുന്ന വിമത എം.എല്.എമാരെ ഗോവയിലേക്ക് മാറ്റി. എം.എല്.എമാരെ നേരിട്ട് കണ്ട് അനുനയിപ്പിക്കാന് ഡി.കെ ശിവകുമാര് എത്തുന്നുവെന്ന സൂചന ലഭിച്ചതിന് പിന്നാലെയാണ് വിമത എം.എല്.എമാര് ഗോവയിലേക്ക് പോയി. ബി.ജെ.പി നേതാവ് മോഹിത് ഭാരതീയയുടെ നേതൃത്വത്തിലാണ് വിമത എം.എല്.എമാര് ഗോവയിലേക്ക് പോയത്.
Bengaluru: A bus, carrying JD(S) MLAs, arrives at Prestige Golfshire Club, Nandi hills road in Devanahalli. They were earlier staying at Taj West End hotel. #Karnataka pic.twitter.com/8bTLc2Ynyh
— ANI (@ANI) July 8, 2019
ഭരണകക്ഷിയിലെ പ്രതിസന്ധി മൂര്ച്ഛിക്കുന്നതിനിടെ സര്ക്കാരുണ്ടാക്കാനുള്ള നീക്കം ശക്തമാക്കി ബി.ജെ.പിയും രംഗത്തുണ്ട്. ഭൂരിപക്ഷം നഷ്ടപ്പെട്ട മുഖ്യമന്ത്രി കുമാരസ്വാമി രാജിവച്ച് വീട്ടില് പോകണമെന്ന് ബി.ജെ.പി നേതാവ് ബി.എസ് യെദ്യൂരപ്പ ആവശ്യപ്പെട്ടു. ബി.ജെ.പിക്ക് 107 എം.എല്.എമാരുടെ പിന്തുണയുണ്ടെന്നും യെദ്യൂരപ്പ അവകാശപ്പെട്ടു. കോണ്ഗ്രസും ജെ.ഡി.എസും ജനാധിപത്യത്തെ മാനിക്കുന്നില്ലെന്നും യെദ്യുരപ്പ കുറ്റപ്പെടുത്തി.
