ബലിയ: ഹിന്ദുത്വത്തിന് കേടു പറ്റാതിരിക്കാന് ഹിന്ദു ദമ്പതികള്ക്ക് അഞ്ച് കുട്ടികളെ വരെ സൃഷ്ടിക്കണമെന്ന പ്രസ്താവന നടത്തി കഴിഞ്ഞവര്ഷം വിവാദത്തില് തലയിട്ട ബിജെപി എംഎല്എയെ നാക്ക് വീണ്ടും കുരുക്കിലാക്കുന്നു. ഇത്തവണ മുസ്ളീം സമുദായത്തെ പരിഹസിച്ചുള്ള പ്രസ്താവനയാണ് വിവാദത്തിലാകുന്നത്. അനേകം ഭാര്യമാരും അനേകം കുട്ടികളുമെന്ന മുസ്ളീം സമുദായത്തിന്റെ രീതിയെ മൃഗീയത എന്ന് വിശേഷിപ്പിക്കണമെന്ന പരാമര്ശമാണ് നടത്തിയിരിക്കുന്നത്.
ബാല്ലിയയിലെ ബിജെപി ജനപ്രതിനിധി സുരേന്ദ്ര സിംഗാണ് ഇസ്ളാമിക സമുദായത്തെ പരിഹസിക്കുന്ന പരാമര്ശം നടത്തിയിരിക്കുന്നത്. '' മുസ്ളീം മതത്തില് ആള്ക്കാര്ക്ക് 50 ഭാര്യമാരെ വരെ സ്വീകരിച്ചാലും അതില് 1050 കുട്ടികള് ഉണ്ടായാലും കുഴപ്പമില്ലെന്ന് നിങ്ങള്ക്കറിയാമല്ലോ. ഇതിനെ ഒരു പാരമ്പര്യമായി കണക്കാക്കാന് കഴിയില്ല. പകരം മൃഗീയ വാസന എന്ന് പറയേണ്ടി വരും. സാധാരണ ഒരു സമൂഹത്തില് രണ്ടോ നാലോ കുട്ടികള് എന്നതാണ് സാധാരണ രീതി.'' ബിജെപി എംഎല്എ പറഞ്ഞു. പക്ഷേ പ്രസ്താവന സിംഗിനെ ഇത്തവണയും വിവാദത്തിലാക്കി.
കഴിഞ്ഞ വര്ഷം ഇന്ത്യയിലെ ഹിന്ദുത്വം പരിപാലിക്കപ്പെടാന് ഹിന്ദു കുടുംബങ്ങള് അഞ്ചു കുട്ടികളെയെങ്കിലൂം ജനിപ്പിക്കേണ്ടതുണ്ടെന്ന് സിംഗ് എഎന്ഐ യ്ക്ക് കൊടുത്ത അഭിമുഖത്തില് പറഞ്ഞത് വിവാദമായിരുന്നു. ഇന്ത്യയില് ഹിന്ദുക്കളുടെ ജനസംഖ്യ വര്ദ്ധിപ്പിക്കേണ്ട സാഹചര്യം ഉണ്ടെന്നും സിംഗ് പറഞ്ഞു. എല്ല ദമ്പതികള്ക്കും ഏറ്റവും കുറഞ്ഞത് അഞ്ച് കുട്ടികള് വീതമെങ്കിലും വേണമെന്നത് എല്ലാ ആത്മീയ ഗുരുക്കന്മാരും പറയുന്ന കാര്യമാണ്. എങ്കിലേ ഇന്ത്യയില് ഹിന്ദുത്വത്തിന് അസ്ഥിത്വമുണ്ടാകു എന്നും പറഞ്ഞു.
