കാബൂള് : പടിഞ്ഞാറന് അഫ്ഗാനിസ്ഥാനില് ബസ്സിന് നേരെ ബോംബാക്രമണം. കുട്ടികളും സ്ത്രികളുമടക്കം 28 യാത്രക്കാര് കൊല്ലപ്പെട്ടു. കാണ്ഡഹാര് ഹെറാത്ത് ഹൈവേയിലൂടെ യാത്ര ചെയ്ത ബസ്സിന് നേരെയാണ് ആക്രമണം ഉണ്ടായത്. ബുധനാഴിച്ച രാവിലെയാണ് സംഭവം. താലിബാനാണ് ആക്രമണത്തിന് പിന്നില് എന്നാണ് അധികൃതര് പറഞ്ഞത്്. റോഡരികില് സ്ഥാപിച്ച ബോംബാണ് പൊട്ടിതെറിച്ചത്.
സംഭവത്തില് 28 പേര് കൊല്ലപ്പെട്ടെന്നും പത്ത് പേര്ക്ക് പരിക്കേറ്റെന്നും ഫറാ പ്രവശ്യ വക്താവ് മുഹിബുള്ള മുഹീബ് പറഞ്ഞു. അഫ്ഗാനിസ്ഥാനില് ആഭ്യന്തര യുദ്ധത്തില് കൊല്ലപ്പെട്ട പൗരന്മാരുടെ എണ്ണം വര്ദ്ധിക്കുന്നു എന്ന റിപ്പോര്ട്ട് കഴിഞ്ഞ ദിവസം പുറത്ത് വന്നിരുന്നു. ഇതിന് പിന്നാലെയാണ് ആക്രമണം ഉണ്ടായത്. അഫ്ഗാന് പ്രസിഡന്റ് തെരഞ്ഞെടുപ്പ് പ്രഖ്യാപിച്ചതിന് പിന്നാലെയാണ് ആക്രമണങ്ങള് വര്ധിച്ചത്്. ഞായറാഴിച്ച നടന്ന ചാവേറാക്രമണത്തില് 20 പേര് കൊല്ലപ്പെട്ടിരുന്നു.
