ന്യൂഡല്ഹി: കേരളത്തില് നിന്ന് വിദേശത്തേയ്ക്കുള്ള വിമാന യാത്രാ നിരക്ക് വര്ധനയില് പരിഹാര നടപടി സ്വീകരിക്കുമെന്ന് വ്യോമയാന മന്ത്രി ഹര്ദീപ് സിംഗ് പുരി കേരളത്തിലെ എം.പിമാരുമായി നടത്തിയ കൂടികാഴ്ചയില് ഉറപ്പ് നല്കിയെന്ന് കേന്ദ്രമന്ത്രി വി. മുരളീധരന് അറിയിച്ചു. ഉത്സവ സീസണില് കേരളത്തിലേക്കും തിരിച്ചുമുള്ള വിമാന സര്വ്വീസുകളുടെ എണ്ണവും വര്ധിപ്പിക്കും.
കേരളത്തില് നിന്ന് യൂറോപ്പിലേക്ക് സര്വ്വീസ് ആരംഭിക്കുന്നതുമായി ബന്ധപ്പെട്ട് വിമാനക്കമ്പനികളുമായി ചര്ച്ച നടത്താന് വ്യോമസെക്രട്ടറിയെ മന്ത്രി ചുമതലപ്പെടുത്തി. എയര് ഇന്ത്യയുടെ ഡല്ഹി സര്വ്വീസ് പ്രതിദിനമാക്കും. യോഗതീരുമാനങ്ങളുടെ തുടര്ച്ച പരിശോധിക്കാന് അവലോകന യോഗം അടുത്ത പാര്ലമെന്റ് സെക്ഷനില് വീണ്ടും ചേരും.
അതേസമയം തിരുവനന്തപുരം വിമാനത്താവളത്തിന്റെ സ്വകാര്യ വത്കരണവും യോഗത്തില് ചര്ച്ചയായി. വിമാനത്താവള സ്വകാര്യ വത്കരണം എന്ന യോഗം തന്നെ തെറ്റാണെന്നും മന്ത്രി യോഗത്തില് വിശദീരിച്ചു. വിമാനത്താവളം അദാനി ഗ്രൂപ്പിന് ഏല്പ്പിക്കുന്ന കാര്യത്തില് തീരുമാനം കേന്ദ്രസര്ക്കാര് എടുക്കുമെന്നും അദ്ദേഹം വ്യക്തമാക്കി.
