ന്യുഡല്ഹി: ഐ.എന്.എക്സ് മീഡിയ കേസില് അറസ്റ്റിലായ പി. ചിദംബരത്തിനൊപ്പം മകന് കാര്ത്തി ചിദംബരത്തേയും സി.ബി.ഐ ചോദ്യം ചെയ്തേക്കും. ഇന്ന് കോടതിയില് ഹാജരാക്കിയ ശേഷം ചിദംബരത്തെ കസ്റ്റഡിയിലെടുത്ത് വിശദമായി ചോദ്യം ചെയ്യാനാണ് സി.ബി.ഐ സംഘത്തിന്റെ നീക്കം. ഇതിനൊപ്പമായിരിക്കും കാര്ത്തിയേയും ചോദ്യം ചെയ്യുക. ചിദംബരത്തിന്റെ അറസ്റ്റ് എന്ഫോഴ്സ്മെന്റ് ഡയറക്ടറേറ്റും ഇന്ന് രേഖപ്പെടുത്തും. നിലവില് സിബിഐ ആസ്ഥാനത്ത് ചിദംബരത്തെ ചോദ്യം ചെയ്തുവരികയാണ്.
അതേസമയം, പിതാവിന്റെ അറസ്റ്റ് ഒരു നാടകവും മറ്റെന്തൊക്കെയോ മറയ്ക്കുന്നതിനു വേണ്ടിയുള്ളതുമാണ്. ഭരണകക്ഷിയായ ബി.ജെ.പിയുടെ സമ്മര്ദ്ദത്തിന് വഴങ്ങിയാണ് സി.ബി.ഐയുടെ അറസ്റ്റ്. രാഷ്ട്രീയ വേട്ടയാടലിന്റെ ഇരകളാണ് താനും പിതാവുമെന്നും കാര്ത്തി പറഞ്ഞു. ചെന്നൈയില് നിന്നും ഡല്ഹിയിലെത്തിയ ശേഷം രാവിലെ മാധ്യമങ്ങളെ കാണുകയായിരു്നു കാര്ത്തി.
തന്റെ പിതാവിനെ മാത്രമല്ല കോണ്ഗ്രസ് പാര്ട്ടിയെയാണ് ലക്ഷ്യമിട്ടിരിക്കുന്നത്. ഇതിനെതിരെ ജന്തര് മന്ദറിലേക്ക് താന് പ്രതിഷേധവുമായി എത്തുമെന്നും കാര്ത്തി പ്രതികരിച്ചു. ചില മാധ്യമങ്ങളെ ഉപയോഗിച്ച് കേന്ദ്രം വ്യാജവാര്ത്തകള് പ്രചരിപ്പിക്കുന്നു. ചിദംബരത്തിനെതിരെ മോഡി പ്രതികാരം തീര്കുകയാണ്. അനുഛേദം 370 എടുത്തുമാറ്റിയതില് നിന്നുള്ള ശ്രദ്ധ തിരിക്കുകയാണ് സര്ക്കാരിന്റെ് ഉദ്ദേശം.
എന്ഫോഴ്സ്മെന്റിന്റെ തന്ത്രങ്ങളാണ് ഇതിനു പിന്നില്. ഐ.എന്.എക്സും വിദേശ നിക്ഷേപ പ്രോമോഷന് ബോര്ഡുമായോ ചേര്ന്ന് താന് ഒന്നും ചെയ്തിട്ടില്ല. തന്റെ ആസ്തികളും ബാധ്യതകളുമെല്ലാം കൃത്യമായി രേഖപ്പെടുത്തിയിട്ടുണ്ടെന്നും കാര്ത്തി ട്വീറ്റ് ചെയ്തു.
