ചന്ദ്രയാന്-2 ചരിത്രദൗത്യം പരാജയപ്പെട്ടെങ്കിലും ലാന്ഡറിനും ഓര്ബിറ്ററിനും ഇടയില് ആശയവിനിമയ ചാനല് പ്രവര്ത്തിക്കുന്നുണ്ടെന്ന് മുന് ഇസ്രോ ഡയറക്ടര് ഡി.ശശികുമാര്. 'വിക്രം' ലാന്ഡറുമായുള്ള ആശയവിനിമയ നഷ്ടം ക്രാഷ് ലാന്ഡിങ് മൂലമായിരിക്കില്ലെന്നും അദേഹം പറഞ്ഞു.
അതേസമയം ആശയവിനിമയ ഡേറ്റയില് നിന്ന് ഇതൊരു ക്രാഷ് ലാന്ഡിങ്ങാണോ എന്ന് കണ്ടെത്തേണ്ടതുണ്ടെന്നും, തന്റെ അഭിപ്രായത്തില് ഇതൊരു ക്രാഷ് ലാന്ഡിങ്ങ് അല്ലെന്നും അദേഹം വ്യക്തമാക്കി. ചന്ദ്രന്റെ ദക്ഷിണധ്രുവത്തില് സോഫ്റ്റ് ലാന്ഡിങ്ങ് നടത്താന് ശ്രമിക്കുന്നതിനിടെയാണ് ലാന്ഡറുമായി ബന്ധം നഷ്ടമായത്. ടച്ച്ഡൗണിനു മിനിറ്റുകള്ക്ക് മുമ്പ് ചന്ദ്രന്റെ ഉപരിതലത്തിലേക്ക് ഇറങ്ങുമ്പോള്ലാന്ഡര് വിമ്രകമുമയായുള്ള ബന്ധം നഷ്ടപ്പെടുകയായിരുന്നു. അതോടെ ലാന്ഡറിന്റെ ഇപ്പോഴത്തെ അവസ്ഥയും അഞ്ജാതമാണ്.
ഭൂമിക്കും ചന്ദ്രനും ഇടയിലുള്ള 3,84,000 കിലോമീറ്ററില് 3,83,998 കിലോമീറ്റര് ദൂരവും വിജയകരമായി സഞ്ചരിച്ചാണ് ലാന്ഡറുമായുള്ള ബന്ധം അവസാന നിമിഷം നഷ്ടമാകുന്നത്. ചന്ദ്രയാന്-2 ഓര്ബിറ്റര് ഇപ്പോഴും ചന്ദ്രന്റെ ഭ്രമണപഥത്തിലാണ്, നന്നായി പ്രവര്ത്തിക്കുന്നുണ്ടെന്നും ഇസ്രോ വ്യക്തമാക്കി.
