ജയ്പൂര്: ബിഎസ്പി നേതാവ് മായാവതിയെ പ്രതിസന്ധിയിലാക്കി രാജസ്ഥാന് നിയമസഭയില് ബിഎസ്പി എംഎല്എമാരുടെ കൂട്ട കൂടുമാറ്റം. നിയമസഭയില് ഉണ്ടായിരുന്ന ആറില് ആറ് എംഎല്എ മാര് മുഴുവനും കോണ്ഗ്രസിന്റെ പാളയത്തിലേക്ക് ചാടി. തിങ്കളാഴ്ച രാത്രി ബിഎസ്പി എംഎല്എമാരായ രാജേന്ദ്ര ഗുഡ്ഡ, ജോഗേന്ദ്ര സിങ് അവാന, ലഖന് സിങ് മീണാ, സന്ദീപ് യാദവ്, വജീബ് അലി, ദീപ്ചന്ദ് ഖേരിയ എന്നിവരാണ് കോണ്ഗ്രസില് ചേര്ന്നത്.
രാജസ്ഥാനിലെ 13 സ്വതന്ത്ര എംഎല്മാരില് 12 പേരും കോണ്ഗ്രസില് ചേര്ന്നതിന് പിന്നാലെയാണ് ബിഎസ്പിയുടെ എംഎല്എമാരും മറുകണ്ടം ചാടിയത്. മാര്ച്ചില് ആയിരുന്നു ഈ കൊഴിഞ്ഞുപോക്ക്. കഴിഞ്ഞ വര്ഷം രാജസ്ഥാനില് നടന്ന നിയമസഭാ തെരഞ്ഞെടുപ്പില് 100 സീറ്റുകള് കിട്ടിയ കോണ്ഗ്രസിനെ ബിഎസ്പി പുറത്തു നിന്നും പിന്തുണച്ചു വരികയായിരുന്നു. പാര്ട്ടി മാറുന്നതുമായി ബന്ധപ്പെട്ട് ആറ് എംഎല്എ മാരും സ്പീക്കാര് സിപി ജോഷിയുമായി കൂടിക്കാഴ്ച നടത്തുകയും കത്ത് കൈമാറുകയും ചെയ്തിരുന്നു.
സംസ്ഥാന സര്ക്കാരിന്റെ സുസ്ഥിരതയ്ക്കും വര്ഗ്ഗീയശക്തികള്ക്കെതിരേ പോരാടാനും വേണ്ടിയാണ് ഇത്തരം ഒരു തീരുമാനത്തിലേക്ക് പോയതെന്നാണ് കാലുമാറിയ എംഎല്എ മാരുടെ ന്യായീകരണം. രാജസ്ഥാന്റെ വികസനത്തിനായി മികച്ച രീതിയില് പ്രവര്ത്തിക്കുന്ന അശോക് ഗലോട്ടിന് പൂര്ണ്ണ പിന്തുണ നല്കേണ്ടതുണ്ട് എന്നം മുന് ബിഎസ്പി എംഎല്എ മാര് പറഞ്ഞു. അതേസമയം ലോക്സഭാ തെരഞ്ഞെടുപ്പില് യുപിയില് നിന്നും കിട്ടിയ തിരിച്ചടിക്ക് പിന്നാലെയാണ് മായാവതിക്ക് രാജസ്ഥാനിലെ മേല്ക്കോയ്മയും നഷ്ടമാകുന്നത്.
