പാലായില് പുതു ചരിത്രം കുറിച്ചിരിക്കുകയാണ് മാണി സി കാപ്പന്. ഉപതെരഞ്ഞെടുപ്പില് ഇടത്പക്ഷത്തിനായി മത്സരിച്ച അദ്ദേഹം യുഡിഎഫിന്റെ ജോസ് ടോമിനെ തോല്പ്പിച്ച് അട്ടിമറി വിജയം സ്വന്തമാക്കിയത് 2943 വോട്ടുകള്ക്കാണ്. എല്ലാകാലത്തും യുഡിഎഫിനൊപ്പം നിന്ന മണ്ഡലം, യുഡിഎഫിന്റെ ഉരുക്ക് കോട്ടയെന്ന് പേര് വീണ പാലാ, ഇതൊക്കെയാണെങ്കിലും ഉപതെരഞ്ഞെടുപ്പില് വോട്ടെണ്ണുന്ന സമയം ഒരിക്കല് പോലും യുഡിഎഫ് സ്ഥാനാര്ത്ഥി ജോസ് ടോമിന് ലീഡ് നേടാനായില്ല. തോറ്റത് ദൈവനിശ്ചയം കൊണ്ടാണെന്നായിരുന്നു ജോസ് ടോമിന്റെ പ്രതികരണം.
തെരഞ്ഞെടുപ്പിലെ അപ്രതീക്ഷിത തോല്വി കാരണം ഒരു യുഡിഎഫുകാരന് മൊട്ടയടിക്കേണ്ടി വന്നു. തെരഞ്ഞടുപ്പില് മാണി സി കാപ്പന് തോല്ക്കുമെന്നും ജോസ് ടോം ജയിക്കുമെന്നുമായിരുന്നു യുഡിഎഫുകാരന്റെ ബെറ്റ്. പാലായില് യുഡിഎഫ് സ്ഥാനാര്ത്ഥി തോറ്റാല് കവലയില് വെച്ച് പരസ്യമായി മൊട്ടയടിക്കുമെന്നായിരുന്നു ഇയാള് പറഞ്ഞത്. മാണി സി കാപ്പന് തോറ്റാല് മൊട്ടയടിക്കുമെന്ന് എല്ഡിഎഫ് പ്രവര്ത്തകന് ബിനോയ് പറഞ്ഞു. ഇരു വിഭാഗത്തിന്റെയും വെല്ലുവിളിക്ക് സാക്ഷികളുമുണ്ടായിരുന്നു. എന്നാല് ഫലം വന്നതിന് പിന്നാലെ യുഡിഎഫ് പ്രവര്ത്തകന് പരസ്യമായി മൊട്ടയടിക്കുന്നതിന് പകരം ബാര്ബര് ഷാപ്പിലെത്തി മൊട്ടയടിച്ചു. ഇതിന്റെ വീഡിയോ സമൂഹമാധ്യമങ്ങളില് ഇപ്പോള് വൈറലായിരിക്കുകയാണ്.
2943 വോട്ടുകളുടെ ഭൂരിപക്ഷത്തിന് യുഡിഎഫിന്റെ ജോസ് ടോമിനെ അട്ടിമറിച്ചാണ് എല്ഡിഎഫ് സ്ഥാനാര്ത്ഥി മാണി സി.കാപ്പന് വിജയിച്ചിരിക്കുന്നത്. 54137 വോട്ടുകള് മാണി സി.കാപ്പന് നേടിയപ്പോള് 51194 വോട്ടുകളെ ജോസ് ടോമിന് നേടാനായുള്ളൂ. ബിജെപി സ്ഥാനാര്ഥി എന്.ഹരിക്ക് 18044 വോട്ടുകള് മാത്രമാണ് ലഭിച്ചത്.
