തിരുവനന്തപുരം: പരസ്യ പ്രസ്താവന വിലക്കിയിട്ടും നേതാക്കള് പരസ്പരം പഴിചാരുന്നത് അംഗീകരിക്കാന് കഴിയില്ലെന്നും കോണ്ഗ്രസ്സ് ചന്തയല്ലെന്ന് ഓര്ക്കണമെന്നും കെ.പി.സി.സി അധ്യക്ഷന് മുല്ലപ്പള്ളി രാമചന്ദ്രന്. തെരഞ്ഞെടുപ്പില് സംഭവിച്ച തോല്വി ഈ മാസം 30ന് ചേരുന്ന രാഷ്ട്രീയകാര്യ സമിതി വിശദമായ ചര്ച്ചചെയ്യുമെന്നും മുല്ലപ്പള്ളി കൂട്ടിച്ചേര്ത്തു.
"ഉപതെരഞ്ഞെടുപ്പ് നടന്ന അഞ്ച് ജില്ലകളിലേയും ജില്ലാ കോണ്ഗ്രസ്സ് കമ്മിറ്റിയുടെ അടിയന്തരയോഗം വിളിക്കും. പാര്ട്ടിയ്ക്ക് എന്താണ് ക്ഷീണം സംഭവിച്ചതെന്ന് വിശകലനം ചെയ്യും. ഈ വിഷയത്തില് അതിനപ്പുറമൊരു ചര്ച്ചയില്ല. പാര്ട്ടിയൊരു ചന്തയാക്കി മാറ്റാന് സാധ്യമല്ലെന്ന് ബോധ്യപ്പെടുത്തും.
ഇത് സംബന്ധിച്ച് ഇനി ആരെങ്കലും പരസ്യമായി അഭിപ്രായ പ്രകടനം നടത്തിയാല് അത് ഗുരുതരമായ അച്ചടക്കലംഘനമായി നോക്കിക്കാണും. എല്ലാ നേതാക്കളുമായി ചര്ച്ച നടത്തിയ ശേഷമാണ് ഇക്കാര്യം വ്യക്തമാക്കുന്നതെന്നും" മുല്ലപ്പള്ളി പറഞ്ഞു.
