സിനിമാ മേഖലയില് ലഹരി ഉപയോഗിക്കുന്നു എന്ന ആരോപണത്തില് പ്രതികരണവുമായി സിനിമസീരിയല് താരം മഹേഷ് രംഗത്ത്. ചില നടന്മാരുടെ കാരവനില് കയറിയാല് ലഹരി വസ്തുക്കളുടെ മണമാണെന്നാണ് മഹേഷ് പറഞ്ഞത്. ഒരു പ്രമുഖ മാധ്യമത്തിന് നല്കിയ അഭിമുഖത്തിലാണ് മഹേഷ് ഇക്കാര്യം വ്യക്തമാക്കിയത്.
'' ഇപ്പോഴത്തെ ചില യുവനടന്മാരുടെ ലൊക്കേഷനില് ചെന്ന് അബദ്ധത്തിലോ മേക്കപ്പ് ചെയ്യാനോ കാരവനില് കയറിയാല് ഇതിന്റെ മണമാണ്. പുറത്തേക്ക് വരിക നമ്മള് വലിച്ചതിന് തുല്യമായിട്ടാണ്. കൊച്ചിയില് മലയാള സിനിമയെ നിയന്ത്രിക്കുന്നത് ലഹരി മാഫിയ ആണോ എന്നത് അറിയില്ല. പക്ഷേ 10 ശതമാനം എങ്കിലും യുവനടന്മാരുടെ ഇടയില് ലഹരി ഉപയോഗം ഉണ്ട്. മുഴുവന് സിനിമാ രംഗത്തിനുമാണ് ഇതിന്റെ പേരില് പഴി കേള്ക്കുന്നത്. സിനിമാ രംഗത്ത് ലഹരി ഉപയോഗം തീരെയില്ല എന്ന് പറയാന് സാധിക്കില്ല. എല്ലാവരും അങ്ങനെയാണ് എന്നും പറയാനാകില്ല.
ഒരുപാട് പേരുണ്ട്. ദുല്ഖറോ കുഞ്ചാക്കോ ബോബനോ ആസിഫ് അലിയോ ആ തരത്തില് പോകുന്നവരല്ല. എന്നാലും അല്പശതമാനം ആള്ക്കാരുണ്ട്. അതുമായി ചേര്ന്ന് പോകുന്നവരെ കൊണ്ട് മാത്രം സിനിമയുണ്ടാക്കുന്നവരുണ്ടെന്നും മഹേഷ് ആരോപിച്ചു. ഇത്രയൊക്കെ പ്രശ്നങ്ങള് ഇതിന് മുന്പ് സിനിമയില് ഉണ്ടായിരുന്നില്ല. ഞാനിന്ന് 18 മണിക്കൂര് ജോലി ചെയ്തു എന്നൊന്നും ആരും പറയാറില്ല. സൂപ്പര് സ്റ്റാറായും മെഗാസ്റ്റാര് ആയിരിക്കുന്നവരൊക്കെ 24 മണിക്കൂര് ജോലി ചെയ്തിട്ടുളളവരാണ്. ലഹരി ഉണ്ടെങ്കില് മാത്രമേ, ഒരെണ്ണം വലിച്ചാല് മാത്രമേ ചിലര്ക്ക് പബ്ലിക്കായി എന്തെങ്കിലും ചെയ്യാന് സാധിക്കൂ. അല്ലെങ്കില് ഇവരൊക്കെ അന്തര്മുഖരാണ് '' മഹേഷ് പറഞ്ഞു.
