കറാച്ചി: മൂന് ഫാസ്റ്റ് ബൗളര് ഷൊയബ് അക്തറിന്റെ പ്രസ്താവന ശരിവെച്ച പാക് മുന് താരം ഡാനിഷ് കനേരിയയെ തള്ളിപ്പറഞ്ഞ മുഹമ്മദ് യൂസുഫിന്റെ മതംമാറ്റം ചോദ്യം ചെയ്ത് ആരാധകര്. ഹിന്ദുവായതിന്റെ പേരില് പാക് ക്രിക്കറ്റര് ഡാനിഷ് കനേരിയ ടീമില് നിന്നും വിവേചനം നേരിട്ടിരുന്നെന്നും ഒപ്പമിരുന്ന് ആഹാരം കഴിക്കാന് പോലും ഇസ്ളാമി ക്രിക്കറ്റര്മാര്ക്ക് അയിത്തമായിരുന്നു എന്നും അക്തറിന്റെ വെളിപ്പെടുത്തല് ശരി വെച്ച് എത്തിയതിന് കനേരിയ തന്നെ രംഗത്ത് വന്നതിന് പിന്നാലെയാണ് മുഹമ്മദ് യൂസുഫും കനേരിയ കള്ളം പറയുന്നെന്ന് പറഞ്ഞ് വന്നത്.
'' ന്യൂനപക്ഷങ്ങള്ക്ക് പാക് ടീമില് വിവേചനം നേരിടേണ്ടി വരുന്നു എന്ന കനേരിയയുടെ വാദം തെറ്റാണ്. ഞാനും പാക് ടീമില് കളിച്ചിട്ടുള്ളയാളാണ്. എല്ലായ്പ്പോഴും തനിക്ക് സ്നേഹവും പിന്തുണയും ടീമില് നിന്നും മാനേജ്മെന്റില് നിന്നും ആരാധകരില് നിന്നും കിട്ടിയിരുന്നു. പാകിസ്താന് സിന്ദാബാദ്.'' കനേരിയയെ വിമര്ശിച്ച് എത്തിയ മൊഹമ്മദ് യൂസുഫ് തന്റെ ട്വീറ്റില് കുറിച്ചു.
കനേരിയയുടെ പ്രസ്താവനയ്ക്ക് എതിരേ മറ്റു താരങ്ങളും രംഗത്ത വന്നിട്ടുണ്ട്. പണത്തിന് വേണ്ടി കനേരിയ എന്തും പറയുമെന്നായിരുന്നു മുന് നായകന് ജാവേദ് മിയാന്ദാദ് പറഞ്ഞത്. അഴിമതിക്കേസില് പെട്ട് ക്രിക്കറ്റില് നിന്നും വിലക്കിയ ആള് പറയുന്നത് ആള്ക്കാര് വിശ്വസിക്കുന്നത് അത്ഭുതമുണ്ടാക്കുന്നു എന്നും പറഞ്ഞു. കൗണ്ടി ക്രിക്കറ്റില് ഒത്തുകളിച്ച് ആജീവനാന്ത വിലക്ക് നേടിയ യാളാണ് കനേരിയ. അയാളെ എങ്ങിനെയാണ് വിശ്വസിക്കുക. താന് പരിശീലകനായിരുന്ന കാലത്തും കനേരിയ ടീമില് ഉണ്ടായിരുന്നു. എന്നാല് വിവേചനത്തെക്കുറിച്ച് അയാള് പറഞ്ഞിരുന്നില്ല. ഹിന്ദുവായതിന്റെ പേരില് വിവേചനം ഉണ്ടായിരുന്നെങ്കില് അദ്ദേഹം ദേശീയ ടീമില് ഒരിക്കലും കളിക്കില്ലായിരുന്നെന്നും മിയാന്ദാദ് പറയുന്നു.
മതത്തിന്റെ പേരില് വിവേചനം നേരിട്ട ഒരാള്ക്ക് എങ്ങിനെ 10 വര്ഷം ടീമില് കളിക്കാന് കഴിയുമായിരുന്നു എന്നും ചോദിക്കുന്നു. സ്പിന് ബൗളിംഗില് മിടുക്കന്മാരായി ഇമ്രാന് താഹിര്, അലി ഹുസൈന്, മന്സൂര് അംജാദ് എന്നിവര് കളിക്കാനുണ്ടായിരുന്ന കാലത്താണ് കനേരിയയ്ക്ക അവസരം കിട്ടിയത്. ഇമ്രാന് താഹിര് പിന്നീട് ദക്ഷിണാഫ്രിക്കയിലേക്ക് ചേക്കേറി ആ ടീമിലെ താരമായി മാറി. കനേരിയ വിഷയം ഇന്ത്യാക്കാര് ഗൗരവത്തില് എടുക്കുന്നതിന് കാരണം ഇന്ത്യയിലെ നിലവിലെ പ്രശ്നങ്ങള് മറയ്ക്കാനാണെന്നും മിയാന്ദാദ് പറഞ്ഞു.
അതേസമയം യൂസുഫിന്റെ ട്വീറ്റ് വന്നതിന് പിന്നാലെ ആരാധകരും രംഗത്ത് വന്നു. 'എങ്കില് പിന്നെ താങ്കള് എന്തിനാണ് മതം മാറിയത്?' എന്നാണ് ഒരു ചോദ്യം ഉയര്ന്നത്. യൂസുഫിന്റെ പഴയ നാമമായ 'യൂസുഫ് യൊഹാന' എന്ന പേര് ഓര്മ്മിപ്പിച്ചു കൊണ്ടായിരുന്നു ആരാധകരുടെ ചോദ്യം. സഹകളിക്കാരുടെ സമ്മര്ദ്ദം ഇല്ലെങ്കില് പിന്നെ ക്രൈസ്തവികതയില് നിന്നും ഇസ്ളാമികതയിലേക്ക് താങ്കള് എന്തിന് മതം മാറിയെന്നാണ് പലരുടേയും ചോദ്യം. മുസ്ളീം ക്രിക്കറ്റര്മാരുടെ പീഡനം മൂലമാണ് ഈ പാകിസ്താനി ക്രിസ്ത്യാനി മതം മാറിയെന്നും ഇപ്പോള് പാക് മുസ്ളീങ്ങളെ പിന്തുണയ്ക്കുന്നതെന്നും വിമര്ശനമുണ്ട്.
എപ്പോഴെങ്കിലും യൂസുഫ് യുഹാന എന്ന പേര് കേട്ടിട്ടുണ്ടോയെന്ന് ചോദിച്ച ഒരു ആരാധകന് അപ്പോള് താങ്കള് ഇങ്ങിനെയായിരുന്നു ഇരുന്നതെന്ന് പറഞ്ഞ് ഒരു ഫോട്ടോയും പോസ്റ്റ് ചെയ്തിട്ടുണ്ട്. മൊഹമ്മദ് യൂസുഫ് താങ്കള് ഫോണ് യൂസുഫ് യൊഹാനയ്ക്ക് കൊടുക്കാനാണ് ഒരു ആരാധകന്റെ പോസ്റ്റ്. പാക് ക്രിക്കറ്റ് ടീമില് കളിച്ച ന്യൂനപക്ഷ വിഭാഗത്തില് പെടുന്നവരാണ് യൂസുഫും കനേരിയയും. കനേരിയ ഹിന്ദുവും യൂസുഫ് ക്രിസ്ത്യനും. പാക് ടീമില് ആദ്യം ഇടം പിടിക്കുമ്പോള് യൂസുഫ് യൊഹാന എന്ന കൗമാരതാരം പിന്നീട് മതം മാറി ഇസ്ളാമായതോടെയാണ് 'മുഹമ്മദ് യൂസുഫ്' എന്ന പേര് സ്വീകരിച്ചത്.
