കൊച്ചി: എസ്എന്ഡിപിയിലെ ഫണ്ട് ക്രമക്കേടിനെതിരെ ഫയല്ചെയ്ത കേസ് റദ്ദാക്കണമെന്ന് ആവശ്യപ്പെട്ട് സുഭാഷ് വാസു ഹൈക്കോടതിയില്. യൂണിയനിലെ സാമ്പത്തിക ഇടപാടുകളെ കുറിച്ച് അന്വേഷിക്കാന് പോലീസിന് അധികാരമില്ലെന്നും അതുകൊണ്ട് കേസ് റദ്ദാക്കണമെന്നുണാണ് സുഭാഷ് വാസുവിന്റെ വാദം.
കമ്പനി നിയമപ്രകാരം രജിസ്റ്റര് ചെയ്തിട്ടുള്ള യൂണിയന്റെ സാമ്പമത്തിക ഇടപാടുകളെ കുറിച്ച് അന്വേഷണം നടത്തേണ്ടത് കമ്പനി രജിസ്ട്രാര് ആണ്. യൂണിയന് കൗണ്സിലില് നിന്നും പുറത്താക്കിയതില് പ്രതികാരമായാണ് വ്യാജ ആരോപണങ്ങളുമായി ദയാകുമാര് എന്നയാള് പോലീസില് പരാതി നല്കിയത്.
കണക്കുകള്ക്ക് മാവേലിക്കര യൂണിയന് ജനറല് ബോഡി അംഗീകാരം നല്കിയിട്ടുണ്ട്. അതുകൊണ്ടു തന്നെ എസ്എന്ഡിപി യൂണിയന്റെ പ്രവര്ത്തനങ്ങളെ കുറിച്ച് പോലീസില് പരാിപ്പെടാന് ദയകുമാറിന് അര്ഹത ഇല്ലെന്നും സുഭാഷ് വാസു വാദിക്കുന്നു.
