മുംബൈ: ആളൊഴിഞ്ഞ റെയില്വേ പാലത്തില് വച്ച് യുവതിയോട് അപമര്യാദയായി പെരുമാറിയ 'സീരിയല് കുറ്റവാളിയെ' കുടുക്കി സിസിടിവി. മുംബൈയിലാണ് സംഭവം. റെയില്വേ സ്റ്റേഷന്റെ വിജനമായ ഓവര്ബ്രിഡ്ജില് വച്ചാണ് യുവതിയെ നീല ജീന്സും വെള്ള ഷര്ട്ടും ധരിച്ച ചെുപ്പക്കാരനായ യുവാവ് തുടരെ മോശമായി പെരുമാറിയത്. ഓടി യുവതിയുടെ അടുത്തെത്തിയ യുവാവ് യുവതിയെ കയറിപ്പിടിക്കുകയും ചുംബിക്കുകയും ചെയ്യുകയായിരുന്നു. യുവതി ഞെട്ടിത്തരിച്ച് നില്ക്കെ ഇയാള് ഓടി മറയുകയായിരുന്നു.
ഒരു പേടിയോ സങ്കോചമോ കൂടാതെ ആണ് ഇയാള് യുവതിയോട് അപമര്യാദയായി പെരുമാറുന്നത് എന്നാല് സിസിടിവിയില് പതിയുകയായിരുന്നു. മതുംഗ റെയില്വേ സ്റ്റേഷനിലെ സിസിടിവി ക്യാമറയിലാണ് അതിക്രമ ദൃശ്യങ്ങള് പതിഞ്ഞിരിക്കുന്നത്. വ്യാഴാഴ്ച മറ്റൊരു മോഷണ കേസില് ഇയാള് അറസ്റ്റിലായതോടെയാണ് യുവതിക്കെതിരെ അതിക്രമം നടത്തിയതും ഇയാള് തന്നെയാണെന്ന് പോലീസ് തിരിച്ചറിഞ്ഞത്. ഇയാള്ക്കതിരെ നിരവധി കേസുകള് നിലവിലുണ്ടെന്ന് പോലീസ് വ്യക്തമാക്കി. എന്നാല് യുവതി ഇതുവരെ പരാതി നല്കിയിട്ടില്ലാത്തതിനാല് ഇയാള്ക്കെതിരെ ലൈംഗീക അതിക്രമത്തിനു കേസ് രജിസ്റ്റര് ചെയ്തിട്ടില്ല. മോഷണ കേസില് ഇയാള് ജാമ്യത്തില് പുറത്തിറങ്ങി.
അതിക്രമ ദൃശ്യങ്ങള് ജനുവരി 26 നാണ് വെളിപ്പെടുന്നത്. യുവാവ് ബലമായി യുവതിയെ ചുംബിക്കുകയും, തുടര്ന്ന് യുവതി ഞെട്ടിത്തരിച്ച് നില്ക്കെ ഇയാള് ഓടി മറയുകയും ചെയ്യുന്നത് വീഡിയോയില് വ്യക്തമാണ. യുവതി വീണ്ടും വീണ്ടും പിന്നിലേക്ക് തിരിഞ്ഞു നോക്കുന്നതും പിന്നാലെ അതിവേഗത്തില് നടന്നകലന്നതും ദൃശ്യത്തില് വ്യക്തമായിട്ടുണ്ട്. എന്നാല് സംഭവത്തില് യുവതി ഇതുവരെ പരാതി നല്കിയിട്ടില്ല.
