തിരുവനന്തപുരം: മാധ്യമപ്രവര്ത്തകന് കെ.എം ബഷീറിനെ വാഹനം ഇടിച്ച് കൊലപ്പെടുത്തിയ കേസില് പ്രതികളായ ഐ.എ.എസ് ഉദ്യോഗസ്ഥന് ശ്രീറാം വെങ്കിട്ടരാമനും വഫ ഫിറോസിനും കുറ്റപത്രം കൈമാറി. ഇരുവരും നേരിട്ട് കോടതിയില് ഹാജരാകാതിരുന്നതോടെ അഭിഭാഷകര് മുഖേനയാണ് കുറ്റപത്രം കൈമാറിയത്. കേസ് ഏപ്രില് 16ന് പരിഗണിക്കാനായി മാറ്റിവെച്ചു.
തിരുവനന്തപുരം ഒന്നാം ക്ലാസ് മജിസ്ട്രേറ്റ് കോടതിയാണ് കേസ് പരിഗണിക്കുന്നത്. പ്രതികളോട് നേരിട്ട് ഹാജരാകണമെന്ന് കഴിഞ്ഞ ദിവസം കോടതി ആവശ്യപ്പെട്ടിരുന്നു. 2019 ഓഗസ്റ്റ് മൂന്നിന് പുലര്ച്ചെയാണ് ശ്രീറാമും വഫയും സഞ്ചരിച്ച കാര് ബഷീറിനെ ഇടിച്ചുവീഴ്ത്തിയത്.
ശ്രീറാം വെങ്കിട്ടരാമനെ ഒന്നാം പ്രതിയും വഫയെ രണ്ടാം പ്രതിയുമാക്കിയാണ് കുറ്റപത്രം സമര്പ്പിച്ചത്. മദ്യപിച്ച് അമിത മവഗയില് വാഹനമോടിച്ചതാണ് അപകടകാരണമെന്ന് കുറ്റപത്രത്തില് പറയുന്നു. മനഃപൂര്വ്വമല്ലാത്ത നരഹത്യ, പൊതുമുതല് നശിപ്പിക്കല്, മോട്ടോര് വാഹന നിയമത്തിലെ വിവിധ വകുപ്പുകള് എന്നിവ പ്രകാരമാണ് പ്രതികള്ക്കെതിരെ കുറ്റം ചുമത്തിയിരിക്കുന്നത്.
