പോകും മുമ്പ് അയാള് പറഞ്ഞു 'ലഹളയൊന്നും ഞാന് നോക്കുന്നില്ല. ആര് എവിടേയ്ക്ക് ഓട്ടം വിളിച്ചാലും ഞാന് പോകും.' കലാപകാരികള്ക്കിടയിലൂടെ ഓട്ടോയില് യാത്രക്കാരുമായി സവാരി പോകുന്നത് വീട്ടുകാര് തടയാന് ശ്രമിച്ചപ്പോള് താന് പോയില്ലെങ്കില് വീട് പട്ടിണിയാകുമെന്നും അസാധാരണ സാഹചര്യം നില നില്ക്കുമ്പാള് കൂടതല് പണം വേണമെന്നുമായിരുന്നു മറുപടി. 35 കാരനായ ഓട്ടോറിക്ഷാ ഡ്രൈവര് ബാബുവിന് പക്ഷേ വീട്ടില് നിന്നും ഓട്ടോയുമായി കൂടുതല് ദൂരം സഞ്ചരിക്കാനായില്ല. അതിന് മുമ്പായി അക്രമികളുടെ ഇരുമ്പ് ദണ്ഡിനുള്ള അടിയേറ്റു വീണു മരിക്കാനായിരുന്നു യോഗം.
മനോനില തെറ്റിയ ഭാര്യയും മൂന്ന് കുട്ടികളുമുള്ള ബാബു പുറത്തേക്ക് പോയി രണ്ടു മണിക്കൂര് കഴിഞ്ഞപ്പോള് ആ ദുരന്തവാര്ത്ത വീട്ടുകാരെ തേടിയെത്തി. ബാബു തെരുവില് രക്തത്തില് കുളിച്ചു കിടക്കുന്നു. തൊട്ടടുത്ത ഓട്ടോ കത്തിയെരിയുന്നു. വീട്ടുകാര് ഓടിയെത്തി ആദ്യ ജാഗ് പര്വേശ് ആശുപത്രിയിലും പിന്നീട് ജിടിബി ആശുപത്രിയിലേക്കും മാറ്റി. എന്നാല് രണ്ടാമത്തെ ആശുപത്രിയില് എത്തിക്കുന്നതിന് തൊട്ടുമുമ്പായി ബാബു മരണത്തിന് കീഴടങ്ങി. വെള്ളിയാഴ്ച വരെ ഡല്ഹി കലാപത്തില് റിപ്പോര്ട്ട് ചെയ്യപ്പെട്ട 42 മരണത്തില് ഒരാളായിരുന്നു ബാബുവും.
ഡല്ഹി കലാപം കെട്ടടങ്ങിയതിന് പിന്നാലെ കാണാതായവര്ക്ക് വേണ്ടിയുള്ള തെരച്ചിലിലാണ് കുടുംബാംഗങ്ങള് ഒന്നടങ്കം. ഇവരില് ചിലരെ മരിച്ച നിലയില് ആശുപത്രികളില് നിന്നും കണ്ടെത്തുകയും ചെയ്യുന്നു. വെള്ളിയാഴ്ച ജിടിബി ആശുപത്രിക്ക് മുന്നില് ഉറ്റവരെ അന്വേഷിച്ച് ആകാംഷയോടെ അനേകാരാണ് കാത്തുനിന്നത്. മോര്ച്ചറിയില് പത്തു തവണ കയറിഇറങ്ങിയ ശേഷമാണ് 30 കാരന് മോനിസിനെ സഹോദരന് കണ്ടെത്താനായത്.
കഴിഞ്ഞ മൂന്ന് ദിവസമായി മൃതദേഹം കാണാന് ഇയാളെ അനുവദിച്ചിരുന്നില്ല. അവസാനം ശനിയാഴ്ച അനുവാദം കിട്ടിയപ്പോള് അനുജന്റെ ചേതനയറ്റ ശരീരം കാണേണ്ടി വന്നു. അഞ്ചു മക്കളുള്ള ഫര്ഹയ്ക്ക് ഭര്ത്താവ് ദില്ഷാദിനെ ഇതുവരെ കണ്ടെത്താന് കഴിഞ്ഞിട്ടില്ല. ചൊവ്വാഴ്ച രാവിലെ വീട്ടില് നിന്നും ഇറങ്ങിപ്പോയ ശേഷം ദില്ഷാദില് നിന്നും ഒരു വിവരവും കിട്ടിയിട്ടില്ല. കൈക്കുഞ്ഞുമായിട്ടാണ് ഫര്ഹ ഭര്ത്താവിനെ തെരയുന്നത്.
