പ്ലാസ്റ്റിക്കാണെന്ന് അറിയാതെ ചെടിയെ യുവതി പരിപാലിച്ചത് രണ്ട് വര്ഷം. കെയ്ലി വില്കേസ് എന്ന യുവതിക്കാണ് ഈ വമ്പന് അമളി പറ്റിയത്. തനിക്ക് പറ്റിയ ഈ അബന്ധത്തെ കുറിച്ച് കെയ്ലി തന്നെയാണ് ഫെയ്സ്ബുക്കില് കുറിച്ചത്. ദിവസവും വെള്ളം ഒഴിച്ച് പരിപാചിച്ചിരുന്ന ചെടി പ്ലാസ്റ്റിക്കാണെന്ന് മനസിലാക്കിയതോടെ ഈ അബന്ധം തനിക്ക് എങ്ങനെ സംഭവിച്ചുവെന്ന് അറിയാന് സാധിക്കുന്നില്ലെന്നാണ് കെയ്ലി പറയുന്നത്.
കെയ്ലി തന്റെ അടുക്കളയുടെ ജനലിലാണ് ചെടി വച്ചിരുന്നത്. ദിവസവും വെള്ളം ഒഴിക്കുമായിരുന്നു. അടുത്തിടെ കെയ്ലിക്ക് ഒരു ചെടിച്ചട്ടി ലഭിച്ചു. താന് വളര്ത്തിയ പ്രിയപ്പെട്ട ചെടി അതിലേക്ക് മാറ്റി നട്ടപ്പോഴാണ് ഇത് ഒരു പ്ലാസ്റ്റിക് ചെടിയാണെന്ന് കെയ്ലി മനസിലാക്കിയത്. ''വെള്ളമൊഴിക്കാന് ഒരു സമയം നിശ്ചയിച്ചിരുന്നു. മറ്റാരെയും വെള്ളമൊഴിക്കാന് അനുവദിച്ചിരുന്നില്ല. അത്രയധികം ഈ ചെടിയെ ഞാന് സ്നേഹിച്ചിരുന്നു. ആ ചെടി പ്ലാസ്റ്റിക് ആണെന്നു എന്താണ് എനിക്കു മനസ്സിലാക്കാനാവാതെ പോയത്. അതിന്റെ ഇലകള് ഞാന് കഴുകാറു പോലുമുണ്ടായിരുന്നു. പ്ലാസ്റ്റിക് ആണ് എന്നു മനസ്സിലാക്കിയപ്പോള് രണ്ടു വര്ഷം ഒരു നുണ പോലെയാണ് എനിക്കു തോന്നിയത്'' വില്കേസ് കുറിച്ചു.
