'ഏത് ടൈപ്പ് ചേട്ടനാണെങ്കിലും മര്യാദയ്ക്ക് സംസാരിക്കണം'- കുമ്പളങ്ങി നൈറ്റ്സ് എന്ന ചിത്രത്തിന് പ്രേക്ഷകരെ മുഴുവന് അതിശയിപ്പിക്കുകയും പിന്നീട് മനസ്സ് നിറഞ്ഞ് കൈയടിക്കാന് പ്രേരിപ്പിക്കുകയും ചെയ്ത മാസ്സ് ഡയലോഗ്. സ്ക്രിപ്റ്റിലില്ലാതിരുന്ന ആ ഡയലോഗ് ഗ്രേസ് ആന്റണി എന്ന നായികയുടെ ഉള്ളില് നിന്ന് വന്നതാണ്. സന്ദര്ഭോചിതമായി, കഥാപാത്രത്തെ ഉള്ക്കൊണ്ട് അത്തരത്തിലൊരു ഡയലോഗ് ആ പുതുമുഖ നായികയില് നിന്നും ചുറ്റും നിന്നവര് പോലും പ്രതീക്ഷിച്ചില്ല.
തുടക്കത്തില് തന്നെ നായികയായി സിനിമയിലേക്ക് നറുക്ക് കിട്ടിയ ആളല്ല ഗ്രേസ്. ചെറിയ വേഷങ്ങളായിരുന്നു തുടക്കം. എങ്കിലും പ്രേക്ഷകരുടെ ശ്രദ്ധ പിടിച്ചുപറ്റുന്ന എന്തോ ഒരു മാജിക് അതിലൊക്കെ ഉണ്ടായിരുന്നു എന്നതാണ് സത്യം. ചുരുക്കം സിനിമകളിലൂടെ വളരെ സുപരിചിതയായി മാറുക എന്നത് അപൂര്വ്വം നടീ- നടന്മാര്ക്ക് മാത്രം ലഭിക്കുന്ന ഭാഗ്യമാണ്. കൈനിറയെ ചിത്രങ്ങള് എന്നതില്നിന്നും കാമ്പുള്ള വേഷങ്ങളിലേയ്ക്ക് മാറിയ പുതിയ കാലത്തെ നായിക നിരയിലാണ് ഗ്രേസിന്റെ സ്ഥാനം.
തിങ്കള് കൈവള ചാര്ത്തി
ഹരികൃഷ്ണന്സിലെ ഈ ഗാനത്തിന് നൃത്തം ചെയ്യുന്ന വീഡിയോ ഇന്സ്റ്റഗ്രാമില് പോസ്റ്റ് ചെയ്തിരുന്നു. അത് കണ്ടപ്പോഴാണ് ഞാന് നര്ത്തകി കൂടിയാണെന്ന് പലര്ക്കും മനസ്സിലായത്. ഡി ഫോര് ഡാന്സ് ഫെയിം സുഹൈദ് കുക്കുവിന്റെ ഇരട്ട സഹോദരനും മറ്റൊരു ടീം മെമ്പറുമായിരുന്നു ഒപ്പം. ഞങ്ങള് വിചാരിച്ചതേയല്ല, അത് വൈറലാകുമെന്ന്. കുമ്പളങ്ങിയിലെ സിമിമോള് ഇങ്ങനെ ഡാന്സ് ചെയ്യുന്നത് കണ്ടപ്പോള് ഞങ്ങള് ഞെട്ടി എന്നായിരുന്നു വിളിച്ചവരുടെയെല്ലാം അഭിപ്രായം. കാലടി ശങ്കരാചാര്യ യൂണിവേഴ്സിറ്റിയില് ബി.എ. ഭരതനാട്യമാണ് പഠിച്ചത്. സ്റ്റേജ് ഷോസൊന്നും ചെയ്തിട്ടില്ലെങ്കിലും അമ്പലങ്ങളിലൊക്കെ നൃത്തം അവതരിപ്പിക്കാറുണ്ട്. ഇപ്പോള് വെസ്റ്റേണ് ഹിപ് ഹോപാണ് പരിശീലിക്കുന്നത്.
കുമ്പളങ്ങിക്ക് മുന്പും ശേഷവും
കുറച്ചുകൂടി പ്ര?ഫഷനലാകാന് സാധിച്ചു. എല്ലാ ചിത്രങ്ങളും കണ്ട്, നിരീക്ഷിച്ച് ഉത്തരവാദിത്വത്തോടെ കഥാപാത്രങ്ങളെ സമീപിക്കണമെന്ന ചിന്ത വന്നു തുടങ്ങി. കാരണം, അത്തരത്തിലുള്ള വേഷങ്ങളാണ് എന്നെത്തേടിയെത്തുന്നത്. നാച്ചുറലായിട്ടുള്ള എലമെന്റ്സ് കൊണ്ടുവരുന്നത് പറയുന്നത്ര എളുപ്പമല്ല. നല്ല നിരീക്ഷണ പാടവം ആവശ്യമുണ്ട്. എന്റെ അമ്മ ഉള്പ്പെടെ എനിക്ക് ചുറ്റും കണ്ട സ്ത്രീകളെ തന്നെയാണ് കുമ്പളങ്ങിയിലും തമാശയിലും പ്രതിപൂവന് കോഴിയിലുമൊക്കെ ആവിഷ്കരിച്ചിരിക്കുന്നത്.
മാറുന്ന വര്ക്കിംഗ് പാറ്റേണ്
ഓരോ ടീമിനൊപ്പം ജോലി ചെയ്യുമ്പോഴും ഓരോ രീതിയിലുള്ള വര്ക്കിംഗ് പാറ്റേണാണ്. കുമ്പളങ്ങിയുടെ ടീമിന്റെ രീതിയേ അല്ല, പ്രതി പൂവന് കോഴിയില് റോഷന് സാറിനൊപ്പം പ്രവര്ത്തിച്ചപ്പോള് ഉണ്ടായിരുന്നത്. റോഷന് സാര് വളരെ ഫാസ്റ്റ് വര്ക്കറാണ്. എന്നാല് കൃത്യമായി ഓരോ രംഗവും കാണിച്ച് തരും. കുമ്പളങ്ങിയാവട്ടെ, ഒരുപാട് സമയമെടുത്ത് വളരെ പതിയെയാണ് ഓരോ രംഗവും ചെയ്തത്. സാധാരണ ക്ലൈമാക്സൊക്കെ ആദ്യം ഷൂട്ട് ചെയ്യാറുണ്ടല്ലോ. പക്ഷേ, സ്ക്രിപ്റ്റ് പോലെ തന്നെയായിരുന്നു കുമ്പളങ്ങിയുടെ ഷൂട്ടും. ഓരോ ഫിലിം മേക്കേഴ്സിനും ഓരോ രീതിയാണ്. ഇതിലെല്ലാം സഹകരിക്കുമ്പോള് അഭിനേത്രി എന്ന നിലയ്ക്ക് എനിക്ക് കിട്ടുന്ന എക്സ്പീരിയന്സ് വളരെ വലുതാണ്.
അഭിനന്ദനം
ഏറ്റവുമധികം അഭിനന്ദനം കിട്ടിയത് ചിത്രീകരണം പൂര്ത്തിയാക്കിയ ഹലാല് ലൗവ് സ്റ്റോറിയുടെ സെറ്റിലായിരുന്നു. കുമ്പളങ്ങിയിലും ബാറ്റൊക്കെ അടിച്ച് പൊട്ടിക്കുന്ന സീനില് സെറ്റില് എല്ലാവരും കൈയടി തന്നിരുന്നു. സത്യന് അന്തിക്കാട് സാര് കുമ്പളങ്ങിയും തമാശയും പ്രതി പൂവന് കോഴിയുമൊക്കെ കണ്ടശേഷം വിളിച്ച് ആശംസകള് അറിയിച്ചിരുന്നു. ഞാനും സാറിനെ പുതിയ ചിത്രങ്ങള് വരുമ്പോള് അറിയിക്കാറുണ്ട്. സിനിമയ്ക്കകത്തും പുറത്തുമുള്ള വേറെയും ഒരുപാട് ആളുകളുണ്ട്, ആത്മാര്ത്ഥമായി അഭിപ്രായങ്ങളും അഭിനന്ദനങ്ങളും അറിയിക്കുന്നവര്.
ഫഹദും ഇന്ദ്രജിത്തും
കുമ്പളങ്ങിക്ക് ശേഷം ഫഹദിക്കയുടെ കാര്യം ഞാന് എല്ലായിടത്തും പറഞ്ഞിട്ടുണ്ട്. തിയേറ്ററിലിരുന്ന് കാണുമ്പോള് പ്രേക്ഷകരെ ഇത്രയധികം അതിശയിപ്പിക്കുന്നുണ്ടെങ്കില്, അടുത്ത് നിന്ന് അദ്ദേഹത്തിന്റെ പ്രകടനം കണ്ട എന്റെ അവസ്ഥ പറയാനുണ്ടോ?
ഹലാല് ലൗവ് സ്റ്റോറിയിലാണ് ഇന്ദ്രേട്ടനൊപ്പം (ഇന്ദ്രജിത്ത്) പ്രവര്ത്തിച്ചത്. ഞാന് വെറുമൊരു തുടക്കക്കാരിയാണ്. എന്നിട്ടും അദ്ദേഹം തന്ന പരിഗണന ശരിക്കും ഞെട്ടിച്ചു. വളരെയധികം സഹായ മനഃസ്ഥിതിയുള്ള ആളാണ് ഇന്ദ്രേട്ടന്.
നമ്മള് കേള്ക്കാന് മനസ്സുള്ള ആളാണ് എന്ന് പുള്ളിക്ക് തോന്നിയാല് ഒരുപാട് കാര്യങ്ങള് പറഞ്ഞ് തരും. ഓരോ സീന് കിട്ടുമ്പോഴും ഒപ്പമിരുന്ന് അതിനെ വര്ക്ക്ഔട്ട് ചെയ്ത്, ഇംപ്രൂവ് ചെയ്യാനുള്ള ടെക്നിക്കുകള് പഠിപ്പിക്കും. അദ്ദേഹത്തിന് അതിന്റെ ആവശ്യമില്ലല്ലോ. എന്റെ വര്ക്കിംഗ് സിസ്റ്റം എന്തിന് മറ്റൊരാള്ക്ക് പറഞ്ഞ് കൊടുക്കണം എന്നുള്ള ഈഗോ ഉള്ളിലുള്ളവരാണ് പലരും. അദ്ദേഹം അങ്ങനെയല്ല. സംശയങ്ങളൊക്കെയുണ്ടെങ്കില് ഒരു മടിയും കൂടാതെ പറഞ്ഞ് തരാറുണ്ട്. ഇന്ദ്രേട്ടന്റെ ടാലന്റിനെപ്പറ്റിയൊന്നും ഞാന് പറയേണ്ട ആവശ്യമില്ല, ഹലാല് ലൗവ് സ്റ്റോറിയില് എല്ലാവരും പുതിയൊരു ഇന്ദ്രജിത്തിനെക്കണ്ട് ഞെട്ടാന് തയ്യാറായിക്കോളൂ..
പുതിയ ചിത്രങ്ങള്
സുഡാനി ഫ്രം നൈജീരിയയ്ക്ക് ശേഷം സക്കറിയ സംവിധാനം ചെയ്യുന്ന ചിത്രമായ ഹലാല് ലൗവ്് സ്റ്റോറിയില് നായികയാണ്. അത്യാവശ്യം പെര്ഫോം ചെയ്യാന് സ്പേസുള്ള കഥാപാത്രമാണ്. ഒരുപാട് നാളായി കാത്തിരുന്നതും അത്തരത്തിലൊരു കഥാപാത്രത്തെയാണ്. കോമഡി, റിയല് ലൈഫ് ഇന്സിഡന്റ്സ്, ഡ്രാമ തുടങ്ങി എല്ലാ തലവും കവര് ചെയ്യുന്നുണ്ട്. ആ ടീമിനൊപ്പം വീണ്ടും പ്രവര്ത്തിക്കാനായതില് ഒത്തിരി സന്തോഷം.
അജു വര്ഗീസ് നായകനാവുന്ന സാജന് ബേക്കറി സിന്സ് 1962-ല് അതിഥി വേഷമാണ് എനിക്ക്. അജു ചേട്ടനും ചിത്രത്തിന്റെ സംവിധായകന് അരുണ് ചന്തുവും ചേര്ന്നാണ് തിരക്കഥ ഒരുക്കിയിരിക്കുന്നത്. പുതിയ സിനിമകള് എന്ന് റിസീലാകുമെന്ന് അറിയില്ല. എല്ലാം തീരുമാനിക്കുന്നത് കോവിഡ് ആണെല്ലോ?
