കോവിഡില് കുടുങ്ങി ഡല്ഹിയില് നിന്നടക്കം വിദ്യാര്ഥികള് ഉള്പ്പെടെയുള്ള മലയാളികള് നാട്ടിലെത്താനാവാതെ കഷ്ടപ്പെടുകയാണ്. ഇതിനിടെ, സംസ്ഥാനത്തിന്റെ പ്രവര്ത്തനങ്ങള് ഏകോപിപ്പിക്കാന് നിയോഗിച്ച എ.സമ്പത്ത് ലോക്ഡൗണ് പ്രഖ്യാപിക്കുന്നതിന് തൊട്ടുമുമ്പ് ഡല്ഹിവിട്ടു. ഇതേക്കുറിച്ച് മുഖ്യമന്ത്രി പിണറായി വിജയനോട് ഒരു പത്രപ്രവര്ത്തകന് ചോദിച്ചു.
അപ്പോള്, 'അത് കാര്യമാക്കേണ്ട. ലോക്ഡൗണ് കാരണം പലരും പലയിടത്തായിപ്പോയിട്ടുണ്ട്'എന്നായിരുന്നു മുഖ്യന്റെ മറുപടി.
എന്നാല്, 'അദ്ദേഹത്തിന് കാബിനറ്റ് റാങ്ക് നല്കിയാണല്ലോ ഡല്ഹിയില് നിയോഗിച്ചത്?' എന്ന് ചോദിച്ചതോടെ 'സംസ്ഥാനത്തെ രണ്ട് അഡീഷണല് ചീഫ് സെക്രട്ടറിമാര് ഇപ്പോള് ഇവിടെയില്ല. അവര് ഡല്ഹിയിലാണ്. ലോക്ഡൗണ് കാരണം അവിടെ കുടുങ്ങിപ്പോയതാണ്. എന്നുകരുതി അവരെ കുറ്റം പറയാനാകുമോ. പലര്ക്കും അത്തരമൊരു സ്ഥിതിയുണ്ടായിട്ടുണ്ട്. അതൊരു പ്രശ്നമായി കാണേണ്ടതില്ല എന്നാണ് മറുപടി ലഭിച്ചത്.
'ലോക്ഡൗണ് പ്രഖ്യാപനം അറിഞ്ഞാണോ സമ്പത്ത് പോന്നത് എന്ന ചോദ്യത്തോട് 'സമ്പത്തിന് ദിവ്യത്വമുണ്ടോയെന്നറിയില്ല. അങ്ങനെ ദിവ്യത്വമുള്ളതായി എനിക്കറിയില്ല. ഇങ്ങനെയൊക്കെ സംഭവിക്കുമെന്ന് നേരത്തേ അറിഞ്ഞ് അവിടെ നിന്ന് പോന്നുവെന്ന് ഞാന് കാണുന്നില്ല' എന്നായിരുന്നു മറുപടി കിട്ടിയത്.
