കാലിഫോര്ണിയ: കാലാവസ്ഥ മോശമായതോടെ സ്വകാര്യ അമേരിക്കന് ബഹിരാകാശ കമ്പനിയായ സ്പേസ് എക്സിന്റെ മനുഷ്യനെയും വഹിച്ചുള്ള ആദ്യ ബഹിരാകാശ ദൗത്യം അവസാന നിമിഷം നീട്ടി വെച്ചു. ബഹിരാകാശ നിലയത്തിലേക്കുള്ള അംഗങ്ങള് പേടകത്തിനുള്ളില് ഇരിക്കുകയും റോക്കറ്റില് ഇന്ധനം നിറയ്ക്കുകയും ചെയ്തിരുന്നു. എന്നാല് വിക്ഷേപണത്തിന് 20 മിനിറ്റിട്ട് മുന്പ് ദൗത്യം മാറ്റിവെക്കുകയായിരുന്നു.
ചരിത്ര മുഹൂര്ത്തം കാണാന് അമേരിക്കന് പ്രസിഡന്റ് ഡൊണാള്ഡ് ട്രംപും ഭാര്യ മെലാനിയ ട്രംപും എത്തിയിരുന്നു.
അന്താരാഷ്ട്ര ബഹിരാകാശ നിലയത്തിലേക്ക് ആളുകളെ എത്തിക്കുന്നതിന് വേണ്ടിയാണ് സ്പേസ് എക്സിന്റെ ദൗത്യം നിശ്ചയിച്ചിരുന്നത്.
മിന്നല് ഉള്പ്പെടെയുള്ള കാലാവസ്ഥാ മാറ്റങ്ങളാണ് വിക്ഷേപണം മാറ്റിവെക്കാന് കാരണമെന്ന് സ്പേസ് എക്സ് കമ്പനിയുടെ വിക്ഷേപണ കാര്യങ്ങളുടെ ഡയറക്ടറായ മൈക് ടെയ്ലര് പറയുന്നു.
