മിനിയപോളിസ്: അമേരിക്കയില് ജോര്ജ് ഫ്ളോയിഡിന്റെ കൊലപാതകത്തില് പ്രതിഷേധിച്ച് നടന്ന പ്രകടനത്തിന് നേരെ പോലീസ് വാഹനം ഇടിച്ചുകയറ്റി. പ്രതിഷേധിക്കുന്നവര്ക്കിടയിലേക്ക് പോലീസ് ഡിപ്പാര്ട്ട്മെന്റിന്റെ വാഹനം ഇടിച്ചുകയറ്റുന്നതിന്റെ ദൃശ്യങ്ങള് സോഷ്യല് മീഡിയയില് വ്യാപകമായി പ്രചരിക്കുന്നുണ്ട്.
ബ്രൂക്ലിന് തെരുവില് പ്രതിഷേധിച്ചവര്ക്കിടയിലേക്കാണ് വാഹനം ഇടിച്ചുകയറ്റിതത്. ബാരിക്കേഡുകള്ക്ക് പിന്നില് നിന്ന് പ്രതിഷേധിക്കുന്നവര്ക്കിടയിലേക്ക് വാഹനം ഇടിച്ചുകയറ്റുകയായിരുന്നു. ഇടിയുടെ ആഘാതത്തില് ചിലര് റോഡിലേക്ക് തെറിച്ചുവീഴുന്നത് ദൃശ്യങ്ങളില് വ്യക്തമാണ്. ജോര്ജ് ഫ്ളോയിഡിന്റെ കൊലപാതകത്തിനെതിരെ അമേരിക്കയില് വ്യാപക പ്രതിഷേധമാണ് നടക്കുന്നത്.
ചെറുകിട ഭക്ഷണശാലയില് സെക്യൂരിറ്റി ജീവനക്കാരനായിരുന്ന ജോര്ജ് ഫ്ളോയിഡ് (46) കഴിഞ്ഞ ദിവസമാണ് ക്രൂരമായി കൊല്ലപ്പെട്ടത്. ജോര്ജിന്െ്റ കഴുത്തില് പോലീസുകാര് കാല്മുട്ട് അമര്ത്തിയാണ് അദ്ദേഹത്തെ കൊലപ്പെടുത്തിയത്. നാല് പോലീസുകാര് ചേര്ന്ന് അറസ്റ്റ് ചെയ്ത ശേഷമായിരുന്നു ഫ്ളോയിഡിനെതിരായ ക്രുരത.
ഫ്ളോയിഡിനെ അറസ്റ്റ് ചെയ്ത ശേഷം ഷര്ട്ട് അഴിച്ചുമാറ്റി റോഡില് കമിഴ്ത്തിക്കിടത്തിയ ശേഷം കഴുത്തില് കാല് ഞെരിച്ച് കൊല്ലുകയായിരുന്നു. ഇതിനിടെതിരെ അമേരിക്കയില് വ്യാപക പ്രതിഷേധം അരങ്ങേറുകയാണ്. പ്രതിഷേധങ്ങള് പലയിടത്തും കലാപസമാനമായി സംഘര്ഷഭരിതമാണ്.
Comments