ലോക്ഡൗൺ കാലമായതോടെ ടെലിവിഷൻ കലാകാരന്മാർക്ക് ജോലി ഇല്ലാതെയായി. ഇപ്പോഴിതാ, ജീവിത പ്രാരാബ്ധത്താൽ പെയിന്റു പണിക്കു പോയ ഒരു കലാകാരനെ അവതരിപ്പിക്കുകയാണ് മിമിക്രി താരം കണ്ണൻ സാഗർ. കണ്ണനും മക്കളും ചേർന്നാണ് ഈ കുഞ്ഞു വിഡിയോയുടെ നിർമാണവും അഭിനയവും. ഒരു കുറിപ്പിനൊപ്പം താരം വിഡിയോ ഫെയ്സ്ബുക്കിൽ പോസ്റ്റ് ചെയ്തു.
കുറിപ്പിന്റെ പൂർണരൂപം
ലോക് ഡൗൺ കാലം കഴിഞ്ഞാൽ, ഏറ്റവും കൂടുതൽ ദുരിതം അനുഭവിക്കുന്ന ഒരു വിഭാഗമാണ്, കലയും ആ പ്രസ്ഥാനവുമായി ഉപജീവനം നടത്തുന്ന കലാകാരന്മാർ....
സ്റ്റേജ്, സിനിമ, T V. മറ്റു ഇതര മേഖലകളിൽ കഴിഞ്ഞിരുന്നവർ ഇപ്പോൾ തന്നെ ഒരു ഞെരുങ്ങിയ ഇടവഴിയിലൂടെ പോകുന്ന പ്രതീതി...
ലോക് ഡൗൺ കഴിഞ്ഞാൽ സ്വന്തം കലാമേഖല ഒന്നു സജീവമാകും വരെ, മറ്റു തൊഴിലിടങ്ങൾ ചിലപ്പോൾ തേടേണ്ടി വന്നേക്കാം,...
തൊഴിലിടം പരിചയ സമ്പന്നമാകണം, അതിൽ പ്രാപീന്യം വേണം, അതിന്റെ കുറവുകൾ ചിലപ്പോൾ നമുക്ക് തിരിച്ചടിയാകാം...
ഏറ്റെടുത്തവ അതിപ്പോൾ ഏതു തൊഴിലിടം ആണെങ്കിലും, ക്ഷമയോടെ അതുമായി യോചിച്ചു പോകുക...
അല്ലെങ്കിൽ, സംഭവിക്കാവുന്ന ഒരു കാര്യം....
ഞാനും, എന്റെ മകൻ എഡിറ്റിംഗും, കൂടെ അഭിനയിച്ചും പ്രവീൺ കണ്ണൻ സഹായിച്ചു , ക്യാമറ എന്റെ മകൾ മീനാക്ഷി കണ്ണനും ചേർന്നു രണ്ടര മിനിട്ട് ധൈർഖ്യമുള്ള ഒരു ഷോർട് ഫിലിം കാഴ്ചവെക്കുന്നു....
എന്നും അനുഭവങ്ങൾ എഴുത്തായിരുന്നു, അതു ഞാൻ തുടരും, ഇന്നു മറ്റൊരു വിഷ്വൽ വിഭവം ആകട്ടെ എന്നു കരുതി, ചെറിയ പരിധികൾ, പരിമിതികൾ, ഇവതാണ്ടി ഒരുക്കിയ ഈ ഷോർട് ഫിലിമിന് നന്ദി കൂടുതലും, എന്റെ കുടുംബത്തോട്, പിന്നെ പ്രിയ സഹോദരൻ സജീവ് മാധവൻ, (പ്രശസ്ത സ്റ്റിൽ ഫോട്ടോഗ്രാഫർ)....
കാണുക, അഭിപ്രായം, നിർദ്ദേശം, അതോ, ഇതു ഇവിടം കൊണ്ടു നിർത്തണോ എന്നുവരെ ഉപദേശിക്കാം... വിധി എന്തുതന്നെ ആയാലും, എന്റെ ഉപജീവനം,
അതു കലതന്നെ,
സസ്നേഹം...
സ്റ്റേ ഹോം....
ടേക് കെയർ....
