ന്യുഡല്ഹി: കുടിയേറ്റ തൊഴിലാളി വിഷയത്തില് കരുതയോടെ സുപ്രീം കോടതി. കൊവിഡ് ലോക്ഡൗണിനെ തുടര്ന്ന് വിവിധ സംസ്ഥാനങ്ങളില് കുടുങ്ങിപ്പോയ കുടിയേറ്റ തൊഴിലാളികളെ 15 ദിവസത്തിനകം തിരികെ നാട്ടിലെത്തിക്കണമെന്ന് സുപ്രീം കോടതി കേന്ദ്ര-സംസ്ഥാന സര്ക്കാരുകള്ക്ക് നിര്ദേശം നല്കി. ഇതുള്പ്പെടെ അഞ്ച് സുപ്രധാന നിര്ദേശങ്ങളാണ് നല്കിയിരിക്കുന്നത്.
ലോക്ഡൗണ് നിര്ദേശങ്ങള് ലംഘിച്ചതിന് കുടിയേറ്റ തൊഴിലാളികള്ക്കെതിരെ ദുരന്ത നിവാരണ നിയമപ്രകാരം എടുത്ത കേസുകള് പിന്വലിക്കുന്നത് പരിഗണിക്കണം. കുടിയേറ്റ തൊഴിലാളികളുടെ വൈദഗ്ധ്യം ഏതൊക്കെ മേഖലകളിലാണെന്ന് തിരിച്ചറിയുന്നതിന് അവരുടെ പട്ടിക തയ്യാറാക്കി ആവശ്യമായ തൊഴില് സഹായം നല്കണമെന്നും കോടതി സര്ക്കാരുകള്ക്ക് നിര്ദേശം നല്കി.
സംസ്ഥാനങ്ങള് ഹെല്പ്പ് ഡസ്കുകള് തുടങ്ങണം. കൗണ്സിലിംഗ് സെന്ററുകള് സംസ്ഥാനങ്ങള് തുടങ്ങണം. തൊഴിലടങ്ങളിലേക്ക് മടങ്ങാന് ആഗ്രഹിക്കുന്നവര്ക്കുള്ള നിയമസഹായം നല്കുന്നതിനാണിത്. ലോക്ഡൗണ് കാലത്ത് തൊഴിലാളികളുടെ കൂട്ടപലായനം ശ്രദ്ധയില്പ്പെട്ട കോടതി സ്വമേധയാ കേസെടുക്കുകയായിരുന്നു.
കുടിയേറ്റ തൊഴിലാളികള്ക്ക് വേണ്ടി ഏതെങ്കിലും സംസ്ഥാനം ആവശ്യപ്പെട്ടാല് ആവശ്യപ്പെട്ടാല് ശ്രമിക് ട്രെയിനുകള് 24 മണിക്കൂറിനുള്ളില് ഓടിക്കണമെന്ന റെയില്വേയ്ക്കും നിര്ദേശം നല്കി. തൊഴിലാളികള്ക്ക് എല്ലാ സംവിധാനങ്ങളും ഏര്പ്പെടുത്തണമെന്നും റെയില്വേ അവ പ്രസിദ്ധപ്പെടുത്തണമെന്നും സുപ്രീം കോടതി നിര്ദേശിച്ചു. കേസില് അന്തിമ തീരുമാനം ആയിട്ടില്ലെന്നും ഏതാനും നിര്ദേശങ്ങള് കൂടിവയ്ക്കുകയാണെന്നുമാണ് കോടതി വ്യക്തമാക്കിയത്.
