ബെംഗളുരു: രാജ്യത്ത് നിന്ന് കടന്ന വിവാദ ആള്ദൈവം നിത്യാനന്ദ തന്റെ രാജ്യത്തെ നാണയങ്ങള് പുറത്തിറക്കി. ഫെയ്സ്ബുക്ക് പോസ്റ്റിലൂടെയാണ് കൈലാസമെന്ന് വിശേഷിപ്പിച്ചിരിക്കുന്ന തന്റെ രാജ്യത്തെ കറന്സി രൂപം വെളിപ്പെടുത്തിയിരിക്കുന്നത്.സ്വര്ണ്ണത്തില് തീര്ത്ത നാണയങ്ങള് 'കൈലാസിയന് ഡോളര്' എന്നാണ് അറിയപ്പെടുക.
സംസ്കൃതത്തില് സ്വര്ണമുദ്ര അഥവ സ്വര്ണ പുഷ്പം എന്നും. തമിഴില് പൊര്കാസ് എന്നും അറിയപ്പെടും. 11.66 ഗ്രാമോളം സ്വര്ണമാണ് ഒരു സ്വര്ണമുദ്രയില്. കാല്കാസ്, അരക്കാസ്, ഒന്ന്, രണ്ട്, മൂന്ന്, നാല്, അഞ്ച്, പത്ത കാസുകളുണ്ടാകും. നാണയങ്ങളുടെ അച്ചടി ഉള്പ്പെടെ എല്ലാം പൂര്ത്തിയായതായി നിത്യാനന്ദ പോസ്റ്റില് വ്യക്തമാക്കി.
On the auspicious occasion of Ganesha Chaturti in KAILASA, the Reserve Bank of KAILASA offers at the feet of Ganapati,...
Posted by KAILASA's HDH Nithyananda Paramashivam on Friday, 21 August 2020
സാമൂഹിക മാധ്യമങ്ങളിലൂടെ നിത്യാനന്ദ തന്നെയാണ് കൈലാസത്തില് റിസര്വ് ബാങ്ക് ഓഫ് കൈലാസ' എന്ന പേരില് ബാങ്ക് സ്ഥാപിച്ചതായി അറിയിച്ചത്. മൂന്ന് ദിവസം മുമ്പാണ് ബാങ്കിനെക്കുറിച്ചുള്ള കൂടുതല് വിവരങ്ങള് വെളിപ്പെടുത്തുമെന്ന് നിത്യാനന്ദ പ്രഖ്യാപിച്ചത്. ഗണേശ ചതുര്ത്ഥി ദിനത്തില് പുതിയ കറന്സി പുറത്തിറക്കുമെന്നും നിത്യാനന്ദ വ്യക്തമാക്കിയിരുന്നു.
പെണ്കുട്ടികളെ തടവില് പാര്പ്പിച്ച് പീഡിപ്പിച്ച കേസില് ഉള്പ്പെട്ടതോടെയാണ് നിത്യാനന്ദ ഇന്ത്യയില് നിന്ന് കടന്നത്. തുടര്ന്ന് സ്വന്തം രാജ്യം സ്ഥാപിച്ചതായും ഇയാള് അവകാശപ്പെട്ടിരുന്നു. ട്രിനിഡാഡ് ആന്ഡ് ടൊബാഗോയിലെ ഒരു ദ്വീപാണ് നിത്യാനന്ദ കൈലാസമായി പ്രഖ്യാപിച്ചിരിക്കുന്നതെന്നാണ് റിപ്പോര്ട്ടുകള്.
