കിങ്സ് ഇലവന് പഞ്ചാബിന് എതിരെ നേടിയ പത്ത് വിക്കറ്റിന്റെ കിടിലന് ജയത്തിന് ശേഷം ആത്മവിശ്വാസത്തോടെയാണ് ചെന്നൈ സൂപ്പര് കിങ്സ് കൊല്ക്കത്ത നൈറ്റ് റൈഡേഴ്സിന് എതിരെ മത്സരത്തിന് ഇറങ്ങിയത്.എന്നാല് ദയനീയമായ നാലാം തോല്വി ചോദിച്ച് വാങ്ങുകയായിരുന്നു ഇവിടെ ചെന്നൈ. പഞ്ചാബിനെതിരെ വിജയിച്ചതോടെ ഹാട്രിക് തോല്വിയില് നിന്നും കഷ്ടിച്ച് ചെന്നൈ രക്ഷപ്പെട്ടു. 179 റണ്സ് വിജയലക്ഷ്യം വിക്കറ്റ് നഷ്ടപ്പെടാതെ വിജയിച്ചതോടെ ടീമിന്റെ ആരാധകര്ക്ക് വലിയ ആശ്വാസവും പ്രതീക്ഷയുമായിരുന്നു. എന്നാല് ഇന്നലെ കൊല്ക്കത്തയ്ക്ക് എതിരെ 10 റണ്സിന് ചെന്നൈ വീണ്ടും തോല്വി ഏറ്റ് വാങ്ങിയതോടെ ആരാധകരുടെ പ്രതീക്ഷകള് എല്ലാം തകര്ന്നു.
ടീം തോല്വിയുടെ പിഴ മുഴുവന് കേള്ക്കുന്നത് 2018 ല് 7 കോടിയില് അധികം രൂപയ്ക്ക് ചെന്നൈ സ്വന്തമാക്കിയ കേദാര് ജാദവ് ആണ്. നിര്ണായക സമയം ക്രീസില് എത്തിയ കേദാര് ജാദവ് റണ് നേടാന് നന്നേ ബുദ്ധിമുട്ടുന്നതാണ് കണ്ടത്. റണ് നേടാനോ സ്ട്രൈക്ക് റൊട്ടേറ്റ് ചെയ്യാനോ പോലും കേദാറിന് സാധിച്ചില്ല. മാത്രമല്ല കൂറ്റനടികാരനായ ഡ്വെയിന് ബ്രാവോയും രവീന്ദ്ര ജഡേജയും പോലുള്ള താരങ്ങള് പുറത്തിരിക്കുമ്പോഴാണ് കേദാര് ജാദവ് ക്രീസില് എത്തിയത്. 21 പന്തില് 39 റണ് വേണ്ട സമയമാണ് കേദാര് ക്രീസില് എത്തിയത്. കേദാര് ക്രീസിലെത്തി നേരിട്ട ആദ്യ അഞ്ച് പന്തുകളില് ഒരു റണ് പോലും നേടാന് സാധിച്ചില്ല. ഇതോടെ വിജയിക്കാന് ഒരോവറില് 15 റണ്സില് അധികം നേടണം എന്ന അവസ്ഥയായി. ഒടുവില് ഫലം പത്ത് റണ്സിന് ചെന്നൈയ്ക്ക് തോല്വിയും. 12 പന്തില് ഏഴ് റണ് മാത്രമാണ് നിര്ണായക സമയം ക്രീസിലെത്തിയ ജാദവ് നേടിയത്. ബ്രാവോയ്ക്ക് മുമ്പ് ജാദവിനെ ക്രീസിലേക്ക് വിട്ട ധോണിയുടെ തീരുമാനവും ഏറെ വിമര്ശിക്കപ്പെടുന്നുണ്ട്. ധോണിയുടെ ഈ തീരുമാനം വിശ്വസിക്കാന് ആവുന്നില്ല എന്നാണ് പലരും സോഷ്യല് മീഡിയകളിലൂടെ അഭിപ്രായപ്പെടുന്നത്.
ആദ്യം ബാറ്റ് ചെയ്ത കൊല്ക്കത്ത നൈറ്റ് റൈഡേഴ്സ് ചെന്നൈ സൂപ്പര് കിംഗ്സിന്റെ മുന്നോട്ട് വെച്ചത് 168 റണ്സ് വിജയലക്ഷ്യമായിരുന്നു. ഫാഫ് ഡുപ്ലെസി പുറത്തായെങ്കിലും വാട്സണും റായുഡുവും ശ്രദ്ധയോടെയാണ് കളിച്ചത്. എന്നാല് അര്ധ സെഞ്ചുറി തികച്ചതിന് പിന്നാലെ വാട്സണും 30 റണ് നേടി റായുഡുവും പുറത്തായതോടെ അനായാസ വിജയത്തിലേക്ക് കുതിച്ച ചെന്നൈ തകര്ന്നടിയുന്നതാണ് കണ്ടത്. ഇവര്ക്ക് പിന്നാലെ 12 പന്തില് 11 റണ് നേടി ധോണിയും പവലിയനിലേക്ക് മടങ്ങി. സാം കറന് 11 പന്തില് 17 റണ് എടുത്തും പുറത്തായി.
ഈ സമയം കേദാര് ജാദവും ജഡേജയുമായിരുന്നു ക്രീസില്. ജഡേജ സ്കോര് ഉയര്ത്താന് ശ്രമിച്ചപ്പോള് ഒരറ്റത്ത് നിന്ന് ബോളുകള് വെറുതെ കളയുകയായിരുന്നു ജാദവ്. എട്ട് പന്തില് 21 റണ് നേടി ജഡേജ പൊരുതി നോക്കിയെങ്കിലും ടീമിനെ വിജയതീരത്ത് അടുപ്പിക്കാന് സാധിച്ചില്ല. കൊല്ക്കത്തയ്ക്കു വേണ്ടി സുനില് നരെയ്ന്, കംലേഷ് നാഗര്കോട്ടി, ശിവം മാവി, വരുണ് ചക്രവര്ത്തി, ആന്ദ്രെ റസ്സല് എന്നിവര് ഓരോ വിക്കറ്റ് വീതം നേടി. ടോസ് നേടി ബാറ്റിംഗിന് ഇറങ്ങിയ കൊല്ക്കത്തരാഹല് ത്രിപഠിയുടെ കിടിലന് ഇന്നിംഗിസിലാണ് പൊരുതാനുള്ള സ്കോര് നേടിയത്. 51 പന്തില് 81 റണ്സാണ് ത്രിപാഠി നേടിയത്.
