മുംബൈ: മുംബൈ പോലീസിനെ അപകീര്ത്തിപ്പെടുത്തിയ റിപ്പബ്ലിക് ടി.വിയ്ക്കെതിരെ കേസെടുത്തു. റിപ്പബ്ലിക് ടി.വിയുടെ എക്സിക്യൂട്ടീവ് എഡിറ്റര്, ആങ്കര്, രണ്ട് റിപ്പോര്ട്ടര്മാര് എന്നിവര്ക്കെതിരെയും മറ്റ് ചില എഡിറ്റോറിയല് സ്റ്റാഫിനുമെതിരെയുമാണ് കേസ്. റിപ്പബ്ലിക് ടി.വിയുടെ റേറ്റിംഗ് തട്ടിപ്പ് പുറത്ത് കൊണ്ടുവന്ന പോലീസ് കമ്മീഷണര് പരംബീര് സിംഗിനെ അപകീര്ത്തിപ്പെടുത്തുകയും മുംബെ പോലീസിന്െ്റ പ്രതിച്ഛായയ്ക്ക് കളങ്കം ഏല്പ്പിക്കുകയും ചെയ്തതിനാണ് കേസ്.
മുംബൈ പോലീസിനെ അപകീര്ത്തിപ്പെടുത്തിയതിന് റിപ്പബ്ലിക് ടി.വിക്കെതിരെ രജിസ്റ്റര് ചെയ്യുന്ന നാലാമത്തെ ക്രിമിനല് കേസാണിത്. എന്.എം ജോഷി മാര്ഗ് പോലീസ് സ്റ്റേഷനിലാണ് പുതിയ കേസ് രജിസ്റ്റര് ചെയ്തിരിക്കുന്നത്. ശശികാന്ത് പവാര് എന്ന പോലീസ് ഉദ്യോഗസ്ഥന് നല്കിയ പരാതിയിലാണ് കേസെടുത്തിരിക്കുന്നത്. സോഷ്യല് മീഡിയയിലൂടെയുള്ള വ്യാജ പ്രചാരണവും വിദ്വേഷ, വര്ഗീയ പ്രചാരണങ്ങളും തടയുന്നതിനുള്ള സോഷ്യല് മീഡിയ ലാബ് വിങിലുള്ള ഉദ്യോഗസ്ഥനാണ് പവാര്.
പരംബീര് സിംഗിനെതിരെ പോലീസ് സേനയിലെ തന്നെ ഉദ്യോഗസ്ഥര് കലാപത്തിന് തയ്യാറെടുക്കുന്നു എന്ന തലക്കെട്ടില് റിപ്പബ്ലിക് ടി.വി നടത്തിയ ചര്ച്ചയ്ക്കെതിരെയാണ് കേസെടുത്തത്. പരംബീര് സിംഗ് മുംബൈ പോലീസിന്െ്റ പ്രതിച്ഛായ തകര്ക്കുന്നതായി ഉദ്യോഗസ്ഥര്ക്കിടയില് അഭിപ്രായമുണ്ടെന്നും അതിനാല് കീഴുദ്യോഗസ്ഥര് അദ്ദേഹത്തിന്െ്റ നിര്ദ്ദേശങ്ങള് അംഗീകരിക്കുന്നില്ലെന്നുമാണ് റിപ്പബ്ലിക് ടി.വിയുടെ പ്രചാരണം.
റിപ്പബ്ലിക് ടിവി റിപ്പോര്ട്ടര് ഷാവന് സെന്നിന്െ്റ റിപ്പോര്ട്ടിന്െ്റ അടിസ്ഥാനത്തില് അവതാരകയായ ശിവാനി ഗുപ്തയും സാഗരിക മിത്രയുമാണ് ചര്ച്ച നടത്തിയത്. ഇത്തരം ചര്ച്ചകളിലൂടെ പോലീസിനെതിരെ ബോധപൂര്വമായ കലാപം സൃഷ്ടിക്കാനാണ് റിപ്പബ്ലിക് ടി.വി ശ്രമിക്കുന്നതെന്നാണ പരാതി.
