ന്യൂഡല്ഹി : ബാറ്റിങ്ങില് ശ്രദ്ധ കേന്ദ്രീകരിക്കാന് വേണ്ടി നായക സ്ഥാനം വേണ്ടന്ന് വെച്ച താരമാണ് കൊല്ക്കത്തയുടെ ദിനേശ് കാര്ത്തിക്. പകരം മോര്ഗനാണ് കൊല്ക്കത്തയുടെ ക്യാപ്റ്റനായത്. എന്നാല് നായക സ്ഥാനം വേണ്ടന്ന് വെച്ച കാര്ത്തികിനെതിരെ കടുത്ത വിമര്ശനവുമായി എത്തിയിരിക്കുകയാണ് ഗൗതം ഗംഭീര്. ചിന്താഗതിയിലെ കുഴപ്പമാണ് ഇത് തെളിയിക്കുന്നത് എന്നാണ് ഗംഭീര് പറയുന്നത്.
ചില സമയങ്ങളില് ഉത്തരവാദിത്വം ഏറ്റെടുത്ത് കളിക്കുന്നത് എപ്പോഴും ഗുണം ചെയ്യുക. 2014 മോശം അവസ്ഥയിലൂടെ പോയപ്പോഴാണ് എനിക്ക് അത് മനസ്സിലാക്കുന്നത്. ആദ്യ ഘട്ടത്തില് മൂന്ന വട്ടം പൂജ്യത്തില് പോയി. എന്നാല് ഫോമിലേക്ക് തിരികെ വരാന് എന്നെ തുണച്ചത് ക്യപ്റ്റന്സിയാണെന്നും ഗംഭീര് പറഞ്ഞു. ക്യാപ്റ്റനായിരിക്കുമ്പോള് എന്റെ ക്യാപ്റ്റന്സിയിലൂടേയും, എടുക്കുന്ന തീരുമാനങ്ങളിലൂടേയും എങ്ങനെയെല്ലാം ടീമിനെ ജയത്തിലേക്ക് എത്തിക്കാനാവും എന്നാണ് ചിന്തിക്കുക. ക്യാപ്റ്റന്സി ഇല്ലെങ്കില് നമ്മുടെ ബാറ്റിങ്ങിനെ കുറിച്ച് മാത്രമാവും ചിന്തയെന്നും ഗംഭീര് ചൂണ്ടിക്കാണിച്ചു.
