ന്യൂഡല്ഹി: ഇന്റീരിയര് ഡിസൈനറുടെ ആത്മഹത്യയെ തുടര്ന്ന് അറസ്റ്റിലായ റിപ്പബ്ലിക് ടിവി മേധാവി അര്ണാബ് ഗോസ്വാമിക്ക് ഐക്യദാര്ഢ്യം പ്രകടിപ്പിച്ച് എത്തിയ ബി.ജെ.പി നേതാക്കള് അറസ്റ്റില്. രാജ്ഘട്ടില് ധര്ണ്ണ നടത്താന് എത്തിയ ബി.ജെ.പി നേതാക്കളായ കപില് മിശ്ര, തജീന്ദര് പാല് സിങ് ബാഗ എന്നിവരാണ് അറസ്റ്റിലായത്. പോലീസ് നിര്ദ്ദേശം മറികടന്ന് ധര്ണ്ണ സംഘടിപ്പിക്കാനാണ് ബി.ജെ.പിക്കാര് എത്തിയത്.
മനുഷ്യത്വരഹിതമായ സമീപനമാണ് അര്ണാബ് ഗോസ്വാമിക്കെതിരെ പോലീസ് സ്വീകരിക്കുന്നതെന്ന് കപില് മിശ്ര ആരോപിച്ചു. അറസ്റ്റിന്റെ പേരില് അര്ണാബിന്റെ കുടുംബത്തെ പോലും വേട്ടയാടുകയാണെന്നും കപില് മിശ്ര ആരോപിച്ചു. സര്ക്കാരിനെതിരെ സംസാരിച്ചതിനാണ് അര്ണാബ് ഗോസ്വാമിയെ അറസ്റ്റ് ചെയ്തതെന്നും കപില് മിശ്ര ആരോപിച്ചു.
ഇതിനിടെ സുരക്ഷാ പ്രശ്നങ്ങളെ തുടര്ന്ന് അര്ണാബ് ഗോസ്വാമിയെ നവി മുംബൈയിലെ തലോജ സെന്ട്രല് ജയിയിലേക്ക് മാറ്റി. നിലവില് പാര്പ്പിച്ചിരുന്ന റായ്ഗഡ് ജില്ലയിലെ അലിബാഗ് ജയിലിന്റെ ക്വാറന്റീന് കേന്ദ്രമായ സ്കൂളില് നിന്നാണ് അര്ണബിനെ തലോജ ജയിലിലേക്ക് മാറ്റിയത്.
റിപ്പബ്ലിക് ടിവിയുടെ ഇന്റീരിയര് ഡിസൈന് ചെയ്ത അന്വി നായിക്ക് ആത്മഹത്യ ചെയ്ത സംഭവത്തില് കഴിഞ്ഞ ബുധനാഴ്ചയാണ് അര്ണാബ് ഗോസ്വാമിയെ അറസ്റ്റ് ചെയ്തത്. ഇന്റീരിയര് ഡിസൈന് ചെയ്തതിന്റെ അഞ്ചര കോടി രൂപ നല്കാതെ കബളിപ്പിക്കുകയും കേസ് പിന്വലിക്കാന് ആവശ്യപ്പെട്ട് ഭീഷണിപ്പെടുത്തുകയും ചെയ്തതാണ് കേസ്. അന്വി നായിക്കിന്റെ ആത്മഹത്യാക്കുറിപ്പില് അര്ണാബ് ഗോസ്വാമിയുടെ പേര് വ്യക്തമാക്കിയിരുന്നു. എന്നാല് മഹാരാഷ്ട്രയിലെ കഴിഞ്ഞ ബി.ജെ.പി സര്ക്കാര് അര്ണാബിനെതിരെ യാതൊരു നടപടിയും സ്വീകരിച്ചില്ല.
