തിരുവനന്തപുരം: തദ്ദേശസ്വയംഭരണ തിരഞ്ഞെടുപ്പിലെ യുഡിഎഫ് തകര്ച്ചയില് നേതൃത്വത്തിനെതിരെ തുറന്നടിച്ച് കെ. മുരളീധരന് എംപി. പാര്ട്ടിക്ക് മേജര് സര്ജറി സര്ജറി തന്നെ വേണം, തൊലിപ്പുറത്തുള്ള ചികിത്സകൊണ്ട് കാര്യമില്ല, എന്നാല് ഇപ്പോഴത് ചെയ്യാനാകില്ലെന്നും, ചിലപ്പോള് രോഗി മരിച്ചുപോയേക്കാമെന്ന സ്ഥിതിയാണെന്നും അദേഹം പറഞ്ഞു.
തിരുവനന്തപുരത്ത് സ്ഥാനാര്ത്ഥി നിര്ണയത്തില് തന്നോട് ആലോചിച്ചില്ലെന്നടക്കമുള്ള ആരോപണങ്ങള് അദേഹം ഉയര്ത്തി. ഏതായാലും ജയിക്കും, ഒതുക്കേണ്ടവരെ ഒതുക്കാം എന്ന നിലപാടിനേറ്റ തിരിച്ചടിയാണിതെന്നും അദേഹം പറഞ്ഞു.
തോറ്റാല് തോറ്റെന്ന് പറയണം, അതാണ് അന്തസ്, തോറ്റ ശേഷം ജയിച്ചുവെന്ന പറഞ്ഞിട്ട് കാര്യമില്ലെന്നും നേതാക്കന്മാരുടെ പ്രസ്താവനകള്ക്ക് മുരളീധരന് മറുപടി നല്കി.കെ.പിസിസി അധ്യക്ഷന് മുല്ലപ്പള്ളി രാമചന്ദ്രന്, പ്രതിപക്ഷ നേതാവ് രമേശ് ചെന്നിത്തല, മുന് മുഖ്യമന്ത്രി രമേശ് ചെന്നിത്തല എന്നിവര് തോല്വി അംഗീകരിക്കാതെ വാര്ത്താസമ്മേളനം നടത്തിയതിനു പിന്നാലെയാണ് മുരളീധരന്റെ %്രതികരണം. മുഖ്യമന്ത്രിയാകാന് തയാറെടുത്ത് ഇരിക്കുന്നവര് ആത്മാര്ത്ഥമായി പ്രവര്ത്തിക്കണമെന്നും, ബിജെപി വരുന്നത് കേരളത്തിന് ആകെ ദോഷമാണെന്നും അദേഹം കൂട്ടിച്ചേര്ത്തു.
