തിരുവനന്തപുരം: സമന്വയ തുടര്വിദ്യാഭ്യാസ പദ്ധതി പ്രകാരം 100 ട്രാന്സ്ജെന്ഡര് വ്യക്തികള്ക്ക് സ്കോളര്ഷിപ്പ് തുക അനുവദിച്ചതായി ആരോഗ്യ സാമൂഹ്യനീതി വകുപ്പ് മന്ത്രി കെ കെ ശൈലജ അറിയിച്ചു. കരള സംസ്ഥാന സാക്ഷരത മിഷന് അതോറിറ്റി മുഖേന തുടര് വിദ്യാഭ്യാസത്തിനായി രജിസ്റ്റര് ചെയ്ത 100 വിദ്യാര്ത്ഥികള്ക്കാണ് സ്കോളര്ഷിപ്പ് അനുവദിച്ചത്. 10.71 ലക്ഷം രൂപയാണ് ഇതിനായി അനുവദിച്ചിരിക്കുന്നത്.
ട്രാന്സ്ജെന്ഡര് ക്ഷേമ പദ്ധതികളുടെ ഭാഗമായി സാക്ഷരത മിഷന് അതോറിറ്റി മുഖേന ട്രാന്സ്ജെന്ഡര് വിഭാഗത്തില് ഉള്പ്പെടുന്ന നിരക്ഷരതര്ക്കും പഠനം പൂര്ത്തിയാക്കാന് കഴിയാത്തവര്ക്കും സാക്ഷരത തുല്യത പദ്ധതിയിലൂടെ തുടര് വിദ്യാഭ്യാസം നല്കുന്ന പദ്ധതിയാണ് സമന്വയ. ട്രാന്സ്ജെന്ഡര് വ്യക്തികള്ക്ക് നല്കുന്നതിനും പഠനകാലത്ത് താമസിക്കുന്നതിന് ഷെല്ട്ടര് ഹോം ഒരുക്കുക, തൊഴില് പരിശീലനം നല്കുക എന്നിവയ്ക്കായി 35 ലക്ഷം അനുവദിച്ചിരുന്നു.
സമന്വയ പദ്ധതി പ്രകാരം നാല്, ഏഴ്, പത്ത്, ഹയര്സെക്കന്ററി എന്നീ തുല്യതാ കോഴ്സുകള് പഠിക്കുന്നതിനാണ് സ്കോളര്ഷിപ്പ് അനുവദിച്ചിരിക്കുന്നത്. ട്രാന്സ്ജെന്ഡര് വിദ്യാര്ത്ഥികള്ക്ക് സ്കോളര്ഷിപ്പ് നല്കുന്നതിന് ആറു ലക്ഷം രൂപ നേരത്തെ അനുവദിച്ചിരുന്നു. സംസ്ഥാനത്ത് ട്രാന്സ്ജെന്ഡര് വ്യക്തികളുടെ പുരോഗമനത്തിനും വിദ്യാഭ്യാസത്തിനും തൊഴില് പരിശീലനത്തിനും വിവിധ ക്ഷേമപദ്ധതികളാണ് നടപ്പാക്കി വരുന്നത്.
