തിരുവന്തപുരം : ആരോഗ്യം മെച്ചപ്പെട്ടതോടെ കോടിയേരി ബാലകൃഷ്ണന് പാര്ട്ടി സെക്രട്ടറി പദവിയിലേക്ക് തിരികെ വരണമെന്ന് സിപിഎം നേതൃത്വം. കോടിയേരി തിരികെയെത്തിയാല് എം വിജയരാഘവന് തിരഞ്ഞെടുപ്പില് മത്സരിക്കും. വി. എസ് അച്യുതാനന്ദന്റെ മണ്ഡലമായ മലമ്പുഴയിലാകും രാഘവന് ജനവിധി തേടുക.
നിയമസഭാ തിരഞ്ഞെടുപ്പ് തീയതി പ്രഖ്യാപിച്ചതോടെ സ്ഥാനാര്ത്ഥി നിര്ണ്ണയവും, സീറ്റ് വിഭജനവും ചര്ച്ച ചെയ്ത് തീരുമാനിക്കാന് സംസ്ഥാന സെക്രട്ടറിയേറ്റ് യോഗം ഇന്ന് ചേരും. സി.പി.എം ഉള്പ്പെടെ എല്ലാ പാര്ട്ടികളുടെയും ആദ്യഘട്ട സീറ്റ് വിഭജന ചര്ച്ചകള് പൂര്ത്തിയായി കഴിഞ്ഞു. തിരഞ്ഞെടുപ്പിനെ സംബന്ധിച്ച് നടന്ന വികസന മുന്നേറ്റ ജാഥകളെക്കുറിച്ചും വിലയിരുത്തും. എം വിജയരാഘവന്റെ നേതൃത്വത്തിലുള്ള വടക്കന് മേഖല ജാഥ വേണ്ടത്ര ഫലം നല്കിയിട്ടില്ലായെന്ന് പാര്ട്ടിക്കുള്ളില് സംസാരം ഉണ്ട്.
ഇതുവരെയുള്ള സീറ്റ് വിഭജന ചര്ച്ച മുഖ്യമന്ത്രി പാര്ട്ടി സെക്രട്ടറിയേറ്റില് വിശദീകരിക്കും. വിട്ടു വീഴ്ചകള്ക്ക് തയ്യാറാണന്ന് മുന്നണികള് പാര്ട്ടിയെ അറിയിച്ചിട്ടുണ്ട്.
