
പാലക്കാട്: മന്ത്രി എ.കെ. ബാലനെതിരെ പാലക്കാട് ജില്ലയില് പോസ്റ്ററുകള്. സേവ് കമ്യൂണിസം എന്ന പേരിലാണ് പോസ്റ്റര്. 'പാര്ട്ടിയുടെ അധികാരം വച്ച് മണ്ഡലത്തെ കുടുംബ സ്വത്താക്കാന് നോക്കിയാല് നട്ടെല്ലുള്ള കമ്മ്യൂണിസ്റ്റുകാര് തിരിച്ചടിക്കു'മെന്നാണ് പോസ്റ്ററിലെ വാചകങ്ങൾ.
എ.കെ. ബാലന്റെ ഭാര്യ ജമീല തരൂരില് സ്ഥാനാര്ഥിയാകുന്നതിനെതിരെ വ്യാപക പ്രതിഷേധമുയര്ന്നിരുന്നു. സിപിഎം ജില്ലാ കമ്മിറ്റി ഓഫീസ്, പ്രസ് ക്ലബ്, ബാലന്റെ വീട് എന്നിവിടങ്ങളിലാണ് പോസ്റ്ററുകള് പ്രത്യക്ഷപ്പെട്ടത്.
'അധികാരമില്ലെങ്കില് ജീവിക്കാനാവില്ലെന്ന ചില നേതാക്കളുടെ അടിച്ചേല്പ്പിക്കല് തുടര്ഭരണത്തെ ഇല്ലാതാക്കു'മെന്നും പോസ്റ്ററില് പറയുന്നു. സംഭവം വിവാദമായതോടെ പ്രവര്ത്തകര് പോസ്റ്റര് നീക്കം ചെയ്തു.






