കണ്ണൂര്: നിയമസഭാ തിരഞ്ഞെടുപ്പില് കോണ്ഗ്രസ് സ്ഥാനാര്ത്ഥി നിര്ണയത്തില് മാനദണ്ഡങ്ങള് ലംഘിക്കപ്പെട്ടെന്ന് കെ. സുധാകരന്. പ്രശ്നങ്ങളുടെ ഉത്തരവാദിത്വം സംസ്ഥാന നേതൃത്വത്തിനായിരിക്കും. പബ്രശ്നം പരിഹരിച്ചില്ലെങ്കില് അത് തിരഞ്ഞെടുപ്പു ജയസാധ്യതയെ ബാധിക്കുമെന്നും സുധാകരന് വ്യക്തമാക്കി. കെ.പി.സി.സി. പ്രസിഡന്റ് കുറച്ചു ചര്ച്ചകള് മാത്രമേ സംഘടിപ്പിച്ചിട്ടുള്ളൂ. തന്നെപ്പോലും കണ്ണൂരിലെ കാരങ്ങള് അറിയിച്ചില്ലെന്നും അദ്ദേഹം വിമര്ശനം ഉന്നയിച്ചു. മട്ടന്നൂര് ആര്.സി.പി.ക്ക് നല്കാനുള്ള തീരുമാനം ഏകപക്ഷീയമാണെന്നും സുധാകരന് കൂട്ടിച്ചേര്ത്തു.
പാര്ട്ടിയുടെ കീഴ്വഴക്കങ്ങള് അനുസരിച്ചുവേണം സ്ഥാനാര്ത്ഥികളെ കണ്ടെത്താന്. തിരഞ്ഞെടുപ്പില് സ്ഥാനാര്ത്ഥി നിര്ണയത്തിനുള്ള മാനദണ്ഡങ്ങള് നേതാക്കള് കൃത്യമായി പറഞ്ഞിട്ടുള്ളതാണ്. വിജയ സാധ്യതക്കാണ് ഏറ്റവും കൂടുതല് പ്രാധാന്യം നല്കേണ്ടത്. നിലവില് പാര്ട്ടിക്കുള്ളിലെ ഗ്രൂപ്പ വഴക്കുകള്ക്ക് അന്ന് പരിഹാരമാകും. ഇരിക്കൂര് സീറ്റടക്കം തര്ക്കം നിലനില്ക്കുന്ന സീറ്റില് അന്തിമ തീരുമാനം ഇന്നറിയാം. നേതാക്കന്മാര്ക്ക് മാനദഡം പാലിക്കുന്നതില് തെറ്റുപറ്റി. ഇത് പരിശോധിക്കണമെന്നും സുധാകരന് ആവശ്യപ്പെട്ടു.
തര്ക്ക വിഷയമായി നില്ക്കുന്ന നേമം മണ്ഡലത്തില് മത്സരിക്കാന് താല്പ്പര്യം പ്രകടിപ്പിച്ച കെ. മുരളീധരനെ അഭിനന്ദിക്കുന്നുവെന്നും നേമത്തല്ലാതെ മറ്റൊരിടത്തും ബി.ജെ.പി.യുമായി നേരിട്ട് മത്സരമില്ലെന്നും അദ്ദേഹം പറഞ്ഞു.
