കോട്ടയം: പുതുപ്പളളിയിലെ യു.ഡി.എഫ്. സ്ഥാനാര്ഥി ഉമ്മന് ചാണ്ടിയുടെ കൈവശം പണമായും സ്വര്ണമായും 2.99 ലക്ഷം രൂപ. പിതൃസ്വത്തായി പുതുപ്പളളിയില് 3.41 കോടി രൂപ വിലമതിക്കുന്ന കൃഷിഭൂമി പേരിലുണ്ട്. ഭാര്യ മറിയാമ്മയുടെ പേരില് തിരുവനന്തപുരത്ത് 40 ലക്ഷം രൂപ വിലമതിക്കുന്ന വീടുണ്ടെന്നും നാമനിര്ദേശപത്രികയ്ക്കൊപ്പം സമര്പ്പിച്ച ആസ്തിവിവരക്കണക്ക്. മറിയാമ്മയ്ക്കു സ്വര്ണവും ബാങ്ക് നിക്ഷേപവുമായി 53 ലക്ഷം രൂപയും ഒരു സിഫ്റ്റ് കാറുമുണ്ട്.
തിരുവനന്തപുരം കാനറാ ബാങ്കില് 25 ലക്ഷം രൂപയുടെ വായ്പയുമുണ്ട്. മകന് ചാണ്ടി ഉമ്മന് 17 ലക്ഷം രൂപയുടെ ബാങ്ക് നിക്ഷേപവും 6.22 ലക്ഷം രൂപയുടെ ബാങ്ക് വായ്പയുമുണ്ട്. നാലു ക്രിമിനല് കേസുകളിലും ഉമ്മന് ചാണ്ടി പ്രതിയാണ്. ശബരിമല വിശ്വാസ വിഷയത്തില് നിലയ്ക്കലില് സമരം നടത്തിയതാണ് ഒരു കേസ്. രണ്ടാമത്തെ കേസ് മലയിന്കീഴില് കോണ്ഗ്രസ് പ്രവര്ത്തകന്റെ മരണവുമായി ബന്ധപ്പെട്ടു നടത്തിയ അനുസ്മരണ ചടങ്ങില് കോവിഡ് മാനദണ്ഡങ്ങള് ലംഘിച്ചതിന്.
മൂന്നാമത്തേത് കോവിഡ് മാനദണ്ഡങ്ങള് ലംഘിച്ച് ആലുവയില് മെട്രോയില് യാത്ര ചെയ്തതുമായി ബന്ധപ്പെട്ടും. നാലാമത്തെ കേസ് സി.ബി.ഐക്ക് െകെമാറിയ സോളാര് കേസുമായി ബന്ധപ്പെട്ടുമാണ്.
വിജിന് 56,000 നിക്ഷേപം; ബാധ്യത ആറ് ലക്ഷം
കല്യാശ്ശേരിയിലെ ഇടത് സ്ഥാനാര്ഥിയും ഡി.െവെ.എഫ്.ഐ. നേതാവുമായ എം. വിജിന് അമ്പത്താറായിരം രൂപയും ഭാര്യ അണ്എയ്ഡഡ് കോളജ് അധ്യാപിക അശ്വതിക്കു പതിമൂന്നര ലക്ഷവും നിക്ഷേപം. മകന് നെയ്തലിന് എണ്പതിനായിരത്തിന്റെ സ്വര്ണം. വിജിന് ആറു ലക്ഷത്തിലേറെ രൂപയുടെയും ഭാര്യക്കു മൂന്നു ലക്ഷത്തിന്റെയും വായ്പാ ബാധ്യതയുണ്ട്. സമരമുഖത്തെ പോരാട്ടങ്ങളുമായി ബന്ധപ്പെട്ട് പത്തുകേസുകളും.
ഭാര്യക്ക് 62 ലക്ഷത്തിന്റെ നിക്ഷേപം; ഗോവിന്ദന്റെ െകെവശം 2,000
തളിപ്പറമ്പ് മണ്ഡലം ഇടത് സഥാനാര്ഥിയും സി.പി.എം. കേന്ദ്ര കമ്മറ്റിയംഗവുമായ എം.വി. ഗോവിന്ദന്റെ െകെവശം രണ്ടായിരം രൂപ. ഭാര്യ പി.കെ. ശ്യാമളയുടെ െകെയില് എണ്ണായിരം രൂപ. എം.വി. ഗോവിന്ദന് ഒമ്പതുലക്ഷത്തിന്റെ നിക്ഷേപവും 29 ലക്ഷത്തിന്റെ ഭൂസ്വത്തും ഉണ്ട്. ഭാര്യക്ക് 62 ലക്ഷത്തിന്റെ നിക്ഷേപവും 20 ലക്ഷം വിലമതിക്കുന്ന ഭൂസ്വത്തും. ആള്ക്കൂട്ട സമരങ്ങളുമായി ബന്ധപ്പെട്ടും പാര്ട്ടി മുഖപത്രത്തിന്റെ ചീഫ് എഡിറ്റര് എന്ന നിലയില് അപകീര്ത്തികരമായ വാര്ത്തകള് പ്രസിദ്ധീകരിച്ചുവെന്നാരോപിച്ചുള്ള മാനനഷ്ടക്കേസുകളും നിലവിലുണ്ട്.
ബാധ്യതയില്ലാതെ ഷംസീര്, ഭൂസ്വത്തും ഇല്ല
തലശ്ശേരിയിലെ ഇടതു സ്ഥാനാര്ഥി എ.എന്. ഷംസീറിന്റെ െകെയില് പതിനായിരം രൂപയും ഭാര്യ ഷഹലയുടെ െകെയില് 5000 രൂപയും. ഷംസീറിന് എഴുലക്ഷത്തി ഇരുപത്താറായിരം രൂപയുടെയും ഭാര്യക്ക് 17 ലക്ഷത്തിന്റെയും നിക്ഷേപമുണ്ട്. മകന്റെ പേരില് പത്തുലക്ഷത്തിന്റെ ഇന്ഷുറന്സുണ്ട്. രണ്ടുപേര്ക്കും സാമ്പത്തിക ബാധ്യതകളോ ഭൂസ്വത്തോ ഇല്ല.
സക്കീര് ഹുെസെന് 17 ലക്ഷം കടം
പേരാവൂരിലെ ഇടതു സ്ഥാനാര്ഥി സക്കീര് ഹുെസെന്റെ െകെവശമുള്ളത് രണ്ടായിരം രൂപ. ഭാര്യയുടെ െകെവശം ആയിരവും. സക്കീര് ഹുെസെന് 55,000 രൂപയുടെയും ഭാര്യക്കു മൂന്നര ലക്ഷത്തിന്റെയും നിക്ഷേപമുണ്ട്. ഭാര്യയുടെ പേരില് 30 ലക്ഷത്തിന്റെ ഭൂസ്വത്തുണ്ട്. സക്കീര്ഹുെസെന് പതിനേഴ് ലക്ഷത്തിന്റെ ബാങ്ക് ബാധ്യതയും.
െകെയില് ആകെ 2000; വിന്സെന്റിന്റെ ബാധ്യത 30.26 ലക്ഷം
കോവളം സിറ്റിങ് എം.എല്.എയും യു.ഡി.എഫ് സ്ഥാനാര്ഥിയുമായ എ. വിന്സെന്റിന്റെ െകെവശം 2,000 രൂപ മാത്രം. അഞ്ചര സെന്റ് ഭൂമിമാത്രം പക്കലുള്ള വിന്സെന്റി ബാധ്യത 30.26 ലക്ഷം. നിയമസഭാ തെരഞ്ഞെടുപ്പില് മത്സരിക്കാന് നല്കിയ പത്രികയോടൊപ്പമുള്ള ആസ്തിവിവര കണക്കിലാണ് ഈ വെളിപ്പെടുത്തല്.
അഭിഭാഷകനായ വിന്സെന്റിന്റെ ഭാര്യയുടെ െകെവശം ആയിരം രൂപയേയുള്ളൂ. പത്തുപവന് സ്വര്ണമുണ്ട്. അടുത്തിടെയാണ് വിന്സെന്റ് സ്വന്തമായി കാര് വാങ്ങിയത്. സ്വത്തുക്കളുടെ ആകെ മൂല്യം 2.47 ലക്ഷം. ഭാര്യക്ക് 4.18 ലക്ഷത്തിന്റെ ആസ്തിയുണ്ട്. 9.47 ലക്ഷം ബാധ്യതയും.
ചന്ദ്രശേഖരനു ബാധ്യതയില്ല; കുഞ്ഞമ്പുവിന് 12.38 ലക്ഷം കടം
റവന്യൂ മന്ത്രി ഇ. ചന്ദ്രശേഖരനു ബാങ്ക്, ഓഹരി നിക്ഷേപങ്ങളുള്പ്പെടെ 14.40 ലക്ഷം രൂപയുടെ ആസ്തി. ഭാര്യ സാവിത്രിക്ക് 6.20 ലക്ഷം രൂപയുടെ ആസ്തിയും 2.97 ലക്ഷം രൂപയുടെ 72 ഗ്രാം സ്വര്ണവും. ചന്ദ്രശേഖരന്റെ െകെയില് 25,000 രൂപയും ഭാര്യയുടെ െകെയില് 5000 രൂപയുമുണ്ട്. എട്ട് ലക്ഷം വിലമതിക്കുന്ന ബെലോനോ കാറുണ്ട്. പെരുമ്പള വില്ലേജില് 8.20 ലക്ഷം രൂപ വിലയുള്ള 41 സെന്റ് ഭൂമിയും 10 ലക്ഷം വിലമതിക്കുന്ന 1150 ചതുരശ്ര മീറ്റര് വിസ്തീര്ണമുള്ള വീടുമാണുള്ളത്.
റവന്യു മന്ത്രിയുടെ അലവന്സായി 64,696 രൂപ ലഭിക്കുന്നുണ്ടെന്നും നാമനിര്ദേശ പത്രികയോടൊപ്പം നല്കിയ സത്യവാങ്മൂലത്തില് പറയുന്നു. ഷെയര് ആയി കണ്ണൂര് എയര്പോര്ട്ടിന്റെ ഒരു ലക്ഷം രൂപയുടെയും പെരുമ്പള സഹകരണ ബാങ്കിന്റെ 1000 രൂപയുടെയും ഓഹരിയുമുണ്ട്. ഉദുമയിലെ എല്.ഡി.എഫ് സ്ഥാനാര്ഥിയും അഡ്വ: സി.എച്ച്. കുഞ്ഞുമ്പുവിന് ആകെയുള്ളത് 2.64 ലക്ഷം രൂപ. 12.38 ലക്ഷയുടെ ബാധ്യതയും. ഭാര്യയും സി.പി.എം. ജില്ലാ സെക്രട്ടിയേറ്റ് അംഗവുമായ എം. സുമതിക്ക് 22.23 ലക്ഷം രൂപ നിക്ഷേപവും, 4.32 ലക്ഷം രൂപയുടെ 96 ഗ്രാം സ്വര്ണവുമുണ്ട്.
ബേഡഡുക്ക വില്ലേജില് 35 ലക്ഷം രൂപ വിലമതിക്കുന്ന 2 91 ഏക്കര് സ്ഥലവും കുഞ്ഞമ്പുവിന്റെ പേരില് 9 ലക്ഷം രൂപ വിലമതിക്കുന്ന കാസര്ഗോഡ് വില്ലേജിലെ 7.45 സെന്റ് സ്ഥലവും വീടുമാണുള്ളത്. ഹൗസിങ് ലോണ്, ഗോള്ഡ് ലോണ് എന്നിവയായി 12.38 രൂപയുടെ ബാധ്യതയുണ്ട്. ഭാര്യ സുമതിക്ക് കാര് ലോണ് വകയില് 2.11 ലക്ഷം രൂപയുടെ വായ്പയും. കുഞ്ഞമ്പുവിന് എം.എല്.എ പെന്ഷന് മാസം 20,000 രൂപ വരുമാനം. കാസര്ഗോഡ് സര്വീസ് കോ-ഓപ്പറേറ്റീവ് ബാങ്ക് മാനേജരായ ഭാര്യക്ക് 95,233 രൂപ മാസവരുമാനം. പാര്ട്ടി പരിപാടികളുമായി ബന്ധപ്പെട്ട് അഞ്ച് ക്രിമിനല് കേസുകളില് പ്രതിയായിരുന്നു സി എച്ച് കുഞ്ഞമ്പു.
