പാരിസ്: ഫ്രാന്സ് പ്രസിഡന്റ് ഇമ്മാനുവല് മാക്രോണിന്റെ മുഖത്തടിച്ച യുവാവിന് തടവുശിക്ഷ വിധിച്ച് കോടതി.
28കാരനായ ഡാമിയന് താരേല് എന്നയാളായിരുന്നു പൊതുപരിപാടിക്കിടെ മാക്രോണിന്റെ മുഖത്തടിച്ചത്.
ചൊവ്വാഴ്ചയായിരുന്നു സംഭവം നടന്നത്.
നാല് മാസത്തേക്കാണ് ശിക്ഷ. ബി.എഫ്. എം. ന്യൂസ് ചാനലാണ് മാക്രോണിന് അടിയേല്ക്കുന്നതിന്റെ ദൃശ്യങ്ങള് പുറത്തുവിട്ടത്.
സമൂഹമാധ്യമങ്ങളില് ഈ വീഡിയോ വൈറലായിരുന്നു. പര്യടനത്തിനിടെ തന്നെ കാണാനെത്തിയ കാണികളോട് സംസാരിക്കുകയായിരുന്നു മാക്രോണ്. ഇതിനിടെ കാഴ്ചക്കാരുടെ കൂട്ടത്തില് നിന്നും ഡാമിയന് അദ്ദേഹത്തെ ഹസ്തദാനം ചെയ്യാനെത്തുകയും തുടര്ന്ന് മുഖത്തടിക്കുകയുമായിരുന്നു.
